عبدالله الأصعر ..
ياسلام الله سلام الشاعر اللي تعرفونه=طول عمره مايغيب عن اللوازم ياعتابه
معجب الليله حضر يا الربع مادوني ودونه=لين القيه الخلا مجنون ويقطع ثيابه
معجب العتيبي ..
مرحبا ترحيبةٍ تبعد عن المخطي ضنونه=من هجوس الشاعر اللي هاجسه ماقد ماغدابه
لاحضر معجب عن الاصعر تبا تقفي جنونه=دام معجب من كتاب الله معه علم وقرابه
عبدالله الأصعر ..
مانجيب الا الحقيقه والخطا ماتثبتونه=وان تردى معجب الليله نصفي له حسابه
انته اللي فيك يارجال شك وفيك بونه=انت ماتقراء كتاب الله محشوم(ن)كتابه
معجب العتيبي ..
ول ياعبدالله الاصعر محومرتن عيونه=ماعرفنا مقصد الرجال من نبرة عتابه
ياجماعه ترجمولي كان هرجه تفهمونه=مادرينا جاي بالمعروف والا بالطلابه
عبدالله الأصعر ..
يالعتيبي والله انا مارضينا بالمهونه=السوال اللي طرحته تستلم مني جوابه
قولنا مفهوم ما يحتاج ناس ايترجمونه=وكان جيتك جيت بالمعروف مافيها غرابه
معجب العتيبي ..
مازرعتوا ياعميلي بأذن ربي تحصدونه=مانقص من قدركم يافلان لو قدر الذبابه
عيبكم حق القريب ليا قدرتوا تاكلونه=ماعرفتوا حق للاجناب والناس القرابه
عبدالله الأصعر ..
ما زرعنا الا الوفاء لكنكم لا تجحدونه=قدرنا ما نرخصه وجعل على هرجك رقابه
قرطو في حقكم بفميكم لا تفلتونه=كان مانت بذيب يامعجب تعشتك الذيابه
معجب العتيبي ..
والله ان اهل الوفا لاهل الوفا ستر ومعونه=بس خل دروب شيطانك واخذ درب الصحابه
لاتلتون الكلام وترجعون وتعلجونه=خصمنا ياصاحبي لو طال وقته مانهابه
عبدالله الأصعر ..
رح بشونك واترك اصحاب الوفا كل(ن)بشونه=انته الشيطان يامعجب معك يشعب ركابه
المطب ليا اعترض وانتم عجالا تشقحونه=خمنا يسهر ونومه طول ليله ما هتنابه
معجب العتيبي ..
نحسب انه خلص ديونه وزوّد في ديونه=الله يعينه على درب الخطا يومه مشابه
تنطقون الحرف ثم تعودون وتنطقونه =ماعرفنا هي بلامه ياعرب والا ذرابه
« آخـــر الـــمـــشـــاركــــات »
25-Apr-2009, 01:28 PM
العرض العادي
