ابو لمار
سلام رديه على التقدير = تقدير للي فكرهم صافي
ياراعي التمييز والتدبير = ميّز حروف الشعر في قافي
بندر المرشدي
اعداد ماهب النسيم عصير=يامرحبا بالشاعر الوافي
الي يريد العرف والتطوير=يرقى سنود براس مشرافي
ابو لمار
احذر من التزييف والتزوير = الناس تبغى عدل وانصافي
يالمرشدي عندي وعندك خير = ان زان محرافك ومحرافي
بندر المرشدي
اللي يسيرها بعرف تسير= ما عندنا له ظلم وإجحافي
ما نلتفت مهما حصل ويصير= للغرفة الي نورها طافي
ابو لمار
ماكل من يهدر يصير ابعير = ترى الجمال اشكال واصنافي
انت المدير وتكتب التقرير = لاخاب ظني في اهل الاشرافي
بندر المرشدي
ترا الخفيفة ما لها تسعير= ان صار فيه اثقال وخفافي
عان الذهب في معمل التكرير=مات بغرامه كل صرافي
ابو لمار
بكره نشوف السير كيف ايسير = يالمرشدي ويبيّن الخافي
انتم تحسبون الذهب قصدير = احسب حسابك يصفي الصافي
بندر المرشدي
بعض الشكوك اليّ بلا تبرير=تسكن بعقلٍ جايه خلافي
(البوصلة يم الشمال تشير)=وانته تهوزه والقدم حافي
ابو لمار
الشك ياتي في دهون السير = لو صاحبي طيّب ومتعافي
البوصله لازم لها تدوير = حتى تحدد كل الاهدافي
بندر المرشدي
تلقى العدالة عندنا لا غير=والدهْن للي بختهم هافي
المطرفي يالربع جاي امغير=اعلمه لكن ياكافي
« آخـــر الـــمـــشـــاركــــات »
11-Apr-2009, 12:36 PM
العرض المتطور
