ابو لمار
سلام رديه على التقدير = تقدير للي فكرهم صافي
ياراعي التمييز والتدبير = ميّز حروف الشعر في قافي
[/align]
بندر المرشدي
اعداد ماهب النسيم عصير=يامرحبا بالشاعر الوافي
الي يريد العرف والتطوير=يرقى سنود براس مشرافي
ابو لمار
احذر من التزييف والتزوير = الناس تبغى عدل وانصافي
يالمرشدي عندي وعندك خير = ان زان محرافك ومحرافي
[/align]
بندر المرشدي
اللي يسيرها بعرف تسير= ما عندنا له ظلم وإجحافي
ما نلتفت مهما حصل ويصير= للغرفة الي نورها طافي
ابو لمار
ماكل من يهدر يصير ابعير = ترى الجمال اشكال واصنافي
انت المدير وتكتب التقرير = لاخاب ظني في اهل الاشرافي
بندر المرشدي
ترا الخفيفة ما لها تسعير= ان صار فيه اثقال وخفافي
عان الذهب في معمل التكرير=مات بغرامه كل صرافي
ابو لمار
بكره نشوف السير كيف ايسير = يالمرشدي ويبيّن الخافي
انتم تحسبون الذهب قصدير = احسب حسابك يصفي الصافي
بندر المرشدي
بعض الشكوك اليّ بلا تبرير=تسكن بعقلٍ جايه خلافي
(البوصلة يم الشمال تشير)=وانته تهوزه والقدم حافي
« آخـــر الـــمـــشـــاركــــات »
10-Apr-2009, 09:52 PM
العرض الشجري