سلطان بن دحيم
الليل يا معجب بعد دكة هواجيس الضمير = نبى نغني باجمل الالحان والساري سراء
الداب الاسود لو تطوى تحت رجلين البعير = لا تأمنون الداب مهما كان والساري سراء
معجب العتيبي
العام اقول استاذ ياسلطان اباحطك شوير=واثرك دايم ياولد عجلان والساري سرا
اللي دخل تحت البعير يموت ماحصّل منير=مايسلم الانسان والثعبان والساري سرا
سلطان بن دحيم
انا تراني ما تغير لو يصير اللي يصير = لكن ابى اقول لك انا غلطان والساري سراء
المشكله فالداب ما همه صغير ولا كبير = لكن ما قد بان له برهان والساري سراء
معجب العتيبي
انا ادري انك ياوسيع العرف ما اخلفت المسير=وقت اللزوم تسد فالميدان والساري سرا
ناطا عليه ونذبحه ونقول ياشين المصير=ترا الصغير صغير ياسلطان والساري سرا
سلطان بن دحيم
اقول يا كثر الجمال اللي رغت عقب الهدير = من يوم جاء فالعلم مس بطان والساري سراء
ما يختلف نهج الاداره من مدير اليا مدير = لكن قل يالله يا رحمان والساري سراء
معجب العتيبي
كلٍ حسب رايه مشى لوهو يلف ويستدير=اللي تعب واللي مشا نشطان والساري سرا
اللي على مبدا صحيح يسير مايحتاج غير=حكمه وسجلها على العتبان والساري سرا
سلطان بن دحيم
انا اتحرا للبشاره ما وصل علم البشير=والدور لا يلحق على الاخوان والساري سراء
لو قادة الهيلا تكاتف ما كبر راس الصغير= المشكله في واحد(ن) خوان والساري سراء
معجب العتيبي
الطير ابو جنحان ياسلطان لابده يطير=وراه مايستخدم الجنحان والساري سرا
الدرب واحد والكلام اللي تبنيته خطير=وانته محاسب قلب والا لسان والساري سرا
سلطان بن دحيم
هذا قبل لا تصبح الدعوة عبوس(ن) قمطرير = فالارض نار وفالسماء دخان والساري سراء
الدرب واحد بالحكي والفعل يا مقسوم خير = لكن بالله قفل البيبان والساري سراء
معجب العتيبي
هذا قبل والا بعد والا عشا والا عصير=لالا يصيبك شك مع جنجان والساري سرا
تعال ياسلطان ياغلطان وقف لاتنير=لاتنثني بالهم والاحزان والساري سرا
سلطان بن دحيم
يا معجب انته جبت علم (ن) صدق من قطع النظير = والشك ما هو حولنا يا اثنان والساري سراء
ماني بناير دام في يمناي هندي(ن) شطير = لكن قرة كفة الميزان والساري سراء
معجب العتيبي
دامك عرفت ان الرجل ماينفعه كثر الشخير= اسر مساري الذيب ياذيبان والساري سرا
اجل نهايتها معك ياصاحبي مسك وعبير=ورسالتي مضمونها حرفان والساري سرا
09-Apr-2009, 01:57 PM
العرض الشجري