سلطان الجـذع
سلام رديةٍ ماقدمها الا الخلاء = ماقدمها الا الخلاء وسعود قدامها
يافزعة ابا العلاء يااهل المقام العلاء = ميتكم جنازته من يدفن عظامها
سعود العصيمي
اقلط على ماتقوله مانت صاحب ولاء= واترك رجالٍ تقوم مع العرب زامها.
من فزعة ابا العلا سلطان عوّد جلاء = فالديرة اللي يجيه الخير بخيامها
سلطان الجـذع
شكلك ماتبغى السلام ولانبالك هلا = لكنّ هذا قدر لحيتك واكرامها
ياللي تجيب الرخيصة وسط سوق الغلاء = روس العرب ماتلد العين لاقدامها
سعود العصيمي
مادام توعد وتخلف عنك قلبي سلا = واقول هذا قدر لحيتك ويدامها.
انته من اتلى العرب مانته براس الملا = و انا من اللي تشيل النار بحزامها.
سلطان الجـذع
ماانته على وقفتك مشكور ومجملا = اثر العقول الخفاف تصدق اوهامها
تعذرب اصحابك الروقة ياكاف البلا = ذراك يوم الهبايب تذري انسامها
سعود العصيمي
انته تبانا على كيفك بمر وحلا = لكن حنا خصوم القوم واكعامها.
عن العطاوي وش اللي قلت حتى اوّلا = اقول عمارها واتقول هدامها
« آخـــر الـــمـــشـــاركــــات »
26-Mar-2009, 12:05 PM
العرض الشجري