قصيدة المحدار لكديميس العصيمي أجزاء منها تحت المجهر

[عبدالمجيد النفيعي]

بالنسبه لـ تاريخ قبيلة عتيبه في نجد

يكفي ماقاله الامير ضيف الله العفار يرحمه الله

يانجد والله مانزلناك بسلوم=
ولا انت بورث جدودنا والقدايم=
يانجد خذنا فيك حق ومرسوم =
وصفا جنابك عقب نطل العمايم=
خذناك عقب امدارك العمر والسوم=
سوم يخسر لابسات اللثايم=

عاداتنا نرعا الخطر دايم الدوم =
يرعى دبشنا فيه والحظ قايم=
نرعى بربع كنهم دولة الروم =
مركاضهم بالضيق يجلا اللوايم=

لاصاح صياح الضحى جن حثلوم =
الخيل بالفرسان عجل همايم=
يازين سجتنا على الفطر الكوم =
يوم بلاش ويوم جبنا الغنايم=
نو الخيال مسرح من ضحا اليوم=
امطر وسيله دم روس العدايم=

وأيضاً قال الشاعر فراج التويجر يرحمه الله

وهو معاصر لـ بن هندي يرحمه الله

في نجد خلينا القبايل ماتهنا=كم واحدٍ من ضربنا اقفى معيف

ونزول عتيبه في نجد كان في وقت يقال فيه

نجد لمن طالت قناته

وهذا مذكور في كتاب أصول الخيل العربيه ص 119

لـ العلامه حمد الجاسر وموجود أيضاً في كتاب بن بليهد

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

آخر تعديل عبدالمجيد النفيعي يوم 14-Mar-2009 في 07:21 PM.