حاكم الغنامي
قوم يامعجب نسولف معك في بعض الدعاوي=بييـننا يادوب جــا ميعادها ...والعالم الله
يعرف القلب المعنى علة القلب الشقاوي =والذلول اللي نهبت اشدادها ...والعالم الله
معجب العتيبي
جاك معجب. هات علمك. علمه ويش انت ناوي=كل كلمه ينعرف ورّادها....والعالم الله
دمت ياحاكم عرفت الفرق خلك فالحراوي=لاتلخبط حربها وجهادها....والعالم الله
حاكم الغنامي
مانسيت انك عطاوي حاميٍ عطفة مضاوي =دون قومٍ ماتعد اعدادها ...والعالم الله
ليش معجب مايشارك عمه الحر النداوي =صيدته ماطير قبله صادها ...والعالم الله
معجب العتيبي
ادري انك. في دروبك. ياعميلي منت غاوي=لكن الدنيا بها حسادها....والعالم الله
كل طيرٍ .مخلبه عشاه. والطيّب غناوي=وكلٍ دارٍ تنعرف بأمجادها....والشاهد الله
حاكم الغنامي
عقب ماجه المطر وين انت يالنجم السماوي =ذبت ولا طحت من مرصادها ...والعالم الله
مانبا نطري علومك خايف اتطيح امتساوي=والقضيه مثبته بسنادها ...والعالم الله
معجب العتيبي
عقب ماجه المطر ماغبت لكنك عماوي=لاتجيب العيد قبل اعيادها....والعالم الله
الجزيره ماتجيب الا الكوارث والبلاوي=ماتصدق غير وسط بلادها....والعالم الله
حاكم الغنامي
ياجري القلب مدري يالطوير الببغاوي =تلّحق الدله ورى برادها ... والعالم الله
في نهارٍ تجتمع فيه النخاوي والعزاوي =القوافل وين روّح زادها ... والعالم الله
معجب العتيبي
صاحبي نفسه تبا ياناس دكتورٍ مداوي=صابها من همها مازادها ....والعالم الله
في نهارٍ تجتمع فيه العزاوي والنخاوي=فيه ناسٍ ماعرفت امجادها ....والعالم الله
حاكم الغنامي
كل شيءٍ جايز الا تعترضلك ذيب عاوي =يحرم عيون البشر مرقادها ...والعالم الله
مانخون ولا نبوق ويعلم الله مانراوي =لوتسيد ام العبيد اسيادها...والعالم الله
02-Mar-2009, 10:53 PM
العرض الشجري