وحوش الهم

[أبو فيصل الدلبحي]

السلام عليكم ورحمة الله وبركاتة

اضع هذه الابيات واتمنى ان تنال على رضاكم

الضحكه الي لها عامين ماجتني=لبٌست بغاض الوجيه وزانت الصوره
وانا مع الحزن ياهل الفرح حطتني=لين انتمى للخفوق وطال باكوره
وارخاء مزونه على قلبي وروتني=يٌسمع صداها بوسط الصدر مسروره
قطرة عذابٍ بلون الموت غاصتني=فاضت وعدت لنون العين مغموره
سجيت معها وهي بالغبن سجتني=للوادي الي تذابل فيه مزهوره
ناديت يم الشجر ووحت ولبتني=لبيه يالي يجر الهم حنجوره
قلت الغمام الكئيب اليوم شتتني=درب السعاده طلبتك وين مبصوره
ردت عليٌه وفي رجواي عزتني=والريح ناحت على رجواي مقهوره
ارخت سدول الظلام الي تهقوتني=بوحوش كربٍ تهوش الروح مسعوره
حاولت اذري ونبت الشوك ذرتني=شوك التعاسه بكل الجلد مسموره
والوحده الي بثوب الحظ زارتني=خلت بجوفي دلال العز منثوره
عزمت عنها على المسرا وخاوتني=تمشي وترسم بقاع الراس مقصوره
ازريت فيها على المغلاب وازرتني=والمعركه في مجال الفكر محصوره
اصيح واطلب جيوش الفرح تفلتني=لكن عيت تجير الصوت وجذوره
ثم افتَر العقل والطعنات شلتني=طريح لشعوب همن شال ساطوره

[عبدالرحمن الهيلوم]

صح السااااااااااااااااانك يالغالي

[معجب العتيبي]

الله الله

ابداع وجمال في التصوير



شاعر يستحق المتابعه


وقصيده مليئه بالجمال


صح لسانك يامبدع

التوقيع

[أبو فيصل الدلبحي]

عبدالرحمن الهيلوم

صح بدنك يالغالي

[أبو فيصل الدلبحي]

معجب العتيبي

متابعتك شرف لي يالامير

والذي جعل هذه البسيطه جميله حضورك

صح بدنك

والف شكر على مرورك

[عبدالله الجـــذع]

ابو فيصل

الله الله الله

صح لسانك مليون ولاتكفيك يالامييير

شاعر وقصيده شهادتي فيهما مجروحه

الله لايحرمنا من الابداااع

نتظر جديدك

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[نايف عبدالله العتيبي]

وعليكم السلام ورحمة الله وركاته

,

هلا ك يـ أبو فيصل

لاهنت على طرح هـ الشامخه

اللي أستمتعت بـ قرأتها ..

نص رائع من شاعر أروع

صح لسانك يالقرم وتقبل مرور أخوك

[أبو فيصل الدلبحي]

عبدالله الجذع ...

صح بدنك اكثر يابعدي

شهادتك وسام على قلبي

الله لايحرمنا من ردودك الوافيه

الف شكر على مرورك جميل

[أبو فيصل الدلبحي]

الشاعر / نايف ابن عبدالله

لاشنت على حضورك لزيادت هذه الابيات شموخ

والرائع كلامك يالغالي

صح بدنك والف شكر على مرورك الجميل

[خالد نوار العتيبي]

صح لسانك أبو فيصل

قصيده رايعه وباين فيها أبداعك

يعطيك الله العافيه

تحياتي لك