فواز السعيدي
بعد لدت عيوني وشفت الذيب سرحان = تهيّض يالساني عسى فالامر خيره !!
نبا نسري على اهل السّحن وضليع بقران = يقال اثبيت وخديد بارود وذخيره !!
ابن سرحان الثبيتي
هلا بك يالسعيدي في دار اطوال الايمان = بعد ماغبت عنا ورجلك فالجبيره
ولن ماصلحت دربك وعذت بكل شيطان = تبا تاخذ جزا الاوله قبل الاخيره
فواز السعيدي
الا ياكثر هرج السعه في كل الاوطان = ليا حان الوعد كل نشمي دق زيره !!
على ضلع المناصير هلت غرّ الامزان = وراع الدّين ماسلّ سيفه من جفيره !!
ابن سرحان الثبيتي
احسبنك من اللي حصل قبل امس ندمان = بعد حبك طحن فالرحاة المستديره
توقع وانت باقي ليا هالحين وجعان = من اللي جاك مني ومن شيخ العشيرة
فواز السعيدي
يابن سرحان جبنا خبر من ماض الازمان = توقّع للمعاني ترى القصة خطيرة !!
لو انّك تاخذ بثار اخوك اتقرّ الاوزان = فجعتك فزعة خديد يامال الحشيرة !!
ابن سرحان الثبيتي
انا اشوف الهدف دوب رزيته بالاعيان = ولكن يالسعيدي لنا فيها بصيرة
ترزون الهدف وانتم اهداف المريكان = طمعتوا والطماعه بكم صارت كبيرة
فواز السعيدي
تصدق ؟ نحسبنّك ثلاث ايام سهران = او انّك يالثبيتي مكيّف بِتعَميره !!
انا يوم انشد اثبيت عن فزعات الاخوان = غدا ثار المناصير ما واحد نصيره !!
ابن سرحان الثبيتي
ترى اللي جاك بالعلم ماله قلب ولسان = ولكن قلبك ابيض تصدق كل سيرة !!
لو انك يوم تهرج معك للهرج برهان = تعلمناك واخذت لك فالدرب نيره
فواز السعيدي
يابو سرحان ماهي هروج افلان وافلان = ابو زيد الهلالي نسج قصة شهيرة !!
تريّض وانشد العود عن ذبحة كحيلان = وتاتيك السوالف من اخبار الجزيرة !!
ابن سرحان الثبيتي
ولا ياليتك ارتحت فالزيمة ونعمان = اديار ٍ للسعيدي طمع فيها خشيرة
وانا لو شفتني معك اسولف منك قنعان= ترى ماضاعلي فالزمن حبة شعيرة
« آخـــر الـــمـــشـــاركــــات »
22-Feb-2009, 02:05 PM
العرض المتطور
