يابدر ابا اوصيك......فيصل الرياحي

[ابن صنهوت]

بسم الله الرحمن الرحيم
السلام عليكم ورحمة الله وبركاته.. اخواني اعضا وزوار هذا الصرح الشامخ
اليكم هذه الدره التي اتمنى ان تحوز على رضاكم وتعم الفائده منها وهي من درر الشاعر/ فيصل بن منصور الرياحي اسكنه الله فسيح جناته

يابدر ابا اوصيك والناس يوحون=
وازعل عليك اما نقلت البطوله=
انته من الي فالمواقف يمارون=
وانشد عنك ايقال لك من حموله=
ماينهدم بيت(ن) على ساس وركون=
صبت حديد الصلب عرضه وطوله=
اوصيك قل منصاي بالهرج موزون=
وهرج القفا والكذب حذرا تقوله=
الهرجه الي كلها خرص وضنون=
سبب عذاب الله وسبب نزوله=
كلمة حصل يمكن وكلمة يقولون=
ماهيب عن ربي ولا عن رسوله=
للضلم سيف وله مخاليب وسنون=
راعيه تبرك فالمضامي ذلوله=
ذنب يصيب الناس من غير يدرون=
يطرح ردي الخرص ما صك حوله=
كب النميمه قسم ناس ينمون=
اعروق اللسنتهم للكلام امحلوله=
واجلس مع العقال مهما يكونون=
اللي لهم بالطيب صوله وجوله=
وابعد عن اللي فالمجالس يبابون=
يضحك لهم شيطانهم وضحكوله=
عن هرجة العقل الثمينه يصدون=
واليا تكلم جاهل(ن) صفقوله=
ترى الرجال يميزون ويحلون=
وانسمعوا الهرج الصواب انصتوله=
والرجل بين المدح واللي يذمون=
واليا نجح كل الجميع اشهدوله=
خلك شجيع (ن) كنك السيف مسنون=
من هيبته ما ترفع الروس حوله=
الم ترى ان السيف بالنصر مقرون=
تعتز به دوله وتنزال دوله=
وابذل كرم يمناك للي يعرفون=
قدر الكرم ويبادلون افحصوله=
واللي لهم حق مع الفرض مقرون=
امك وابوك وخالك ابماتنوله=
وجدك وعمك فيك دايم يضنون=
ابذل لهم مجهود لو ما سعوله=
وجدتك واختك عقلهن فيك مشطون=
احذر تجي نفسك عليهن ملوله=
ترحم برحمة من تحت يدك يمشون=
والله يجازي بالعمل من بنوله=
وراقب وليك ربك امكون الكون=
الفرض صله واجتهد في قبوله=

رحمك الله ابا بدر

[أبونواف]

الله يرحمه بواسع رحمته قصيده نصح وحكم
أشكرك بن صنهوت

[نزهان الروقي]

لاهنت يابن صنهوووووووووووووووووت




والله يرحم ابوبدر ويسكنه فسيح جناته

[ابن صنهوت]

المشاركة الأصلية كتبت بواسطة أبونواف

الله يرحمه بواسع رحمته قصيده نصح وحكم
أشكرك بن صنهوت

ابو نواف اسعدني مرورك يالغالي ولاشكر على واجب .. لاهنت

[ابن صنهوت]

المشاركة الأصلية كتبت بواسطة نزهان الروقي

لاهنت يابن صنهوووووووووووووووووت




والله يرحم ابوبدر ويسكنه فسيح جناته

ويلكم مليون يانزهان لاهنت

[بندر سعود الدغيلبي]

لاهنت ياابن صنوت

قصيدة تحمل من المعاني والحكم الشئ الكثير

الله يرحم أبو بدر وأموات المسلمين ويسكنه فسيح جناته

قولوا آمين

[بندر سعود الدغيلبي]

اللهم أغفر للمسلمين والمسلمات والمؤمنين والمؤمنات الأحياء منهم

والأموات

آمين ياأكرم الأكرمين

[ابن صنهوت]

بندر سعود اسعدني مرورك لاهنت

[صقر المقطه]

رحمك الله يابوبدر

مشكور اخوي على القصيده

[خالد نوار العتيبي]

الله يرحم أبو بدر ويدخله جناته

مشكووور أخوي علي النقله


تحياتي لك