ديـــوان الشاعر ..[ مسـعود المـقاطي ]..

[بدر الكريزي]

السلام عليكم ورحمة الله وبركاته


.


جمعت ما استطعت جمعه من قصائد شاعرنا الرائع

مسعود بن سعد المقاطي



.

( من نكـــون ؟!)

من نكون اليا سكتنـا علـى سـب الرسـول=من نكون اليـا رضينـا بمـا يكتـب عنـه
وش نقول اليـا طلبنـا الشفاعـه وش نقـول=لاوردنا فـوق حوضـه نبـي نشـرب منـه
هل نقول الارض ضاقت بنا عرض(ن) وطول=هل نقول إنشلت اطـراف والجمـت السنـه
هـل نقـول افعالنـا فالمسـارح والطبـول=ودمعـه الخشعـه غـدت للملحـن والحنـه
ياهل التوحيـد والديـن واصحـاب العقـول=لاينسيـنـا الإســاءه شـهـر ولاسـنــه
لو تزول الارض كرهـه وبغضـه لايـزول=كـود ينطـق بالشهـاده وتـوبـه معلـنـه
وغيرها مانعترف بـاي حـل مـن الحلـول=مانسـاوم والغـلا للنبـي ويــش إثمـنـه
لـو تعـذر لايحصـل لمـعـذاره قـبـول=العنـوه بـكـل لحـظـه وربــي يلعـنـه
شربنا من بير زمـزم وشربـه مـن كحـول=ماتضـيـع عقولـنـا يالعـقـول المدمـنـه
ياعجـول الأرض ماتعبـدون الا العـجـول=تعرفـون الديـن لاجـات للحـرب إدخنـه

( بالرمز .. و افهمها ..!! )

لـوان كـلٍ عـرف نفسـه وقيمهـا=مايطمع الخـادم المملـوك فاسيـاده
وعقول الامه كريـم الوجـه قسمهـا=وان كـان مـازاده الله مـاحـدٍ زاده
احـدٍ ليـا مرتـه بالرمـز يفهمهـا=فطين صاحـي لمصـداره وميـراده
واحدٍ بلش بين موخرهـا ومقدمهـا=اتعـاد وتكـر والتكـريـر مـافـاده
نايـم وبلشـان فـاحـلامٍ تحلمـهـا=ماصحته لـو تجيـه امـرار منعـاده
الناس وقت الخطر تلمـس محازمهـا=والخبل لازال فـي نومـه ومرقـاده
تلقى وجيهٍ لهيـب الوقـت واسمهـا=واعمارها بين عسر الوقت وجهـاده
اوجيه نخوه لو ان الوقـت كاظمهـا=فرسان حربٍ لحوض المـوت وراده
رجولـة الرجـل واضحـةٍ معالمهـا=من قبل تسأل عنـه وتـدور اجـداده
الرجـل يهـوا المكـارم ويتعلمـهـا=من نشوته لين يكسبها علـى انـداده
فرصة عمر واللبيب اللـي تغانمهـا=مايقبـل الا غـزال الكـور وشـداده
تشفـق علـى كلمـةٍ منـه يتكلمهـا=وان جيت في مجلسه وان جوك رواده
اوجيه طيـبٍ هـل الديـره تعازمهـا=وراعي محلاٍ هلا من نشوتـه عـاده
ضحكـة حجـاج وتراحيـبٍ يقدمهـا=ولاهو من اللـي لكنزالمـال عبـاده
هـذاه دنيـاه اخـذ منهـا غنايمهـا=ورث علوم الشرف والطيـب لـولاده
واحدٍ همـوم الدهـر شغلـه يليمهـا=يشيلهـا بيـن مرواحـه ومـعـواده
دايم هموم العـزاء يحـي مراسمهـا=مصايـب الوقـت حافظهـا بتعـداده
يالله يامقنـعٍ نفـسـي وملهمـهـا=الوقت عياء يخل السيـف فاغمـاده
مغير اعذل على روحـي واحاكمهـا=وقـول فالنـاس عرافـه ونـقـاده
وترى وجيه الرجال أشرف ملازمهـا=كرا مةٍ مـن عظيـم الشـان لعبـاده
اقولهـا واللبيـب الحـر يفهمـهـا=والرمز يكفي عن التكريـر ياسـاده

( جرح و صــورة ..)

تولم للمطير وهز ريشـك بالسمـاء ياطيـر=ابعطيـك الرسالـه وانـت مامـونٍ توديهـا
أمنتك ثم ومنتك بالرسالـه ماومنـت الغيـر=وناديتـك وكبيـت البشـر مانـي مناديهـا
وانااللي خابرٍ سري معك ياطير وسط البيـر=مخفى عن جميع النـاس قاصيهـا ودانيهـا
عساك تروح له سالم من عنده تعـود بخيـر=يكفيني سواليـفٍ معـك بحضـور طاريهـا
ياحلو اعذارها لو ان مـال اعذارهـا تبريـر=وانا ادري ان اللسان اللي يترجمها محليهـا
وانا صابر على جرح الزمان وبالله التيسيـر=وروحي كل مايطري بنـار الصبـر كاويهـا
ذبحني هاجس التفكير لاكن ماحـلا التفكيـر=يقرب صورته عندي واسامرهـا واناجيهـا
عسى ايامٍ كوتني مالها فـي مهجتـك تأثيـر=ابيك المستريح وخلها فـي جـوف راعيهـا
طلبتـك لاتكاثرهـا عليـه راضٍ التكثـيـر=مدام جروحي انته عمهـا وشلـون ماغليهـا
معاد يهمني جرح الزمان اللي يصير يصيـر=مدام اني فقدت اللي بغـال العمـر شاريهـا
وش اللي باقيٍ لي بعد ماضاع النصيب عصير=بقى ثنتين جرح وصـورةٍ بالقلـب مخفيهـا

( العبيد المماليك ..)

يامخفيٍ جرح الزمن في محانيك=كـذا يطيـب الجـرح لله درك
لاتضهره لقرب قريـب يواليـك=صدرك خلقه الله لكتمان سـرك
دايم وحبل الصبر خله فياديـك=الصبر لوما فادلـك مايضـرك
لاتشتكيـه الواحـدٍ مايشكويـك=لـو الزمـان يلمعـه لايغـرك
اسرار قلبك كالعبيـد المماليـك=لو مالسانـك جرهـا ماتحـرك
لاتشتري بايعك وتبيـع شاريـك=ماعمر من يبغى مطيحك يبـرك
قدام لاتخطي طريقك مواطيـك=وتندم بوقت ابه الندم مايسـرك
وتصبح لاهاذي في يدينك ولاذيك=ضايع جدى مثل البعير المبـرك
ولاعاد تلقى فالزمن من يباريـك=حتى الرجال اللي منول تمـرك
اليوم لاجابو مجالـك وطاريـك=قالوا مراح مقيط خيرك وشرك
معاد ينفع فيك لو قلت اوصيـك=لك عام مكرات اليالـي تفـرك

( المجلس اللي وراه الشك و الريبه ..)

المجلس اللي وراه الشـك والريبـه=فيـه التقاليـد والعـادات مقبـورة
قابلت لي موقفٍ ماكنـت محريبـه=واجهت شيِ يفك الرجل عن طـوره
فيه الولد معـطِ الشايـب عراقيبـه=وسوالفِ في مجال الفـن والكـورة
وفيه الولد هان ابوه وقدر صحيبـه=يوم الزمان اتعبه ماقـام فـي دوره
وان سال عن شي قالوا مانت داريبه=سوالفٍ بين جيل اليـوم محصـوره
المجلس اللي كلام الطيب ضاريبـه=اليوم وضعه يخل الكبـد مفطـوره
وعزه على وقت دوره من معازيبـه=الشايب اللي عليه البيض منشـورة
ساقوا كرمهم ولامرو على الشيبـه=من دلةِ فوق جال النـار منحـورة
قلت الكرم ليش عن شايبك تقفي به=مده لعودك عسى يمنـاك مكسـورة
قـام يتعـذر ويقنعنـي باساليبـة=اعذار فيه الخلل بالصوت والصورة
مديت فنجالي له وقـال مالـي بـه=والعود كبده مـن الايـام مقهـوره
وحلفت يالضيـف لتلبـي مطاليبـه=وانتم لكم ماضيِ ماينجحـد نـوره
واخذ من الكيف والتفكير يسري به=ونظرة عيونه على الباكور مقصورة
من عقب عزة جلس ماعاد له هيبه=ماعاد له في زمانه غيـر باكـورة
أحاول اصد واخف الدمع واغضي به=وازريت في دمعتي والكبد مسمـورة
صيور الايام يقبل به ويقفـي بـه=في هجرةِ جعلها ماهـي بماجـوره
ظلا عمود الكرم وصلـه واطانيبـه=واليوم كلمة هلا ماهـي بمقـدورة
مافيه رجـلٍِ ضميـره فـي تانيبـه=تكفون كرامـه الشيبـان مهـدوره
تكفون والوقت من يامـن عواقيبـه=لابـد مافاتنـا نمشـي علـى دورة
تعبـوا بوقـتِ ملاحقـةِ مشاهيبـه=يشهد علاها زمانِ فات وعصـورة
هم درعنا لاقسى الوقـت بمخاليبـه=مزباننا بين زود الوقـت وقصـورة
تاريخنا اللي مـع العالـم نماريبـه=افعال في معجم التاريـخ مخبـورة
تاريخ ماسجلـه كـاذب باكاذيبـه=ولاحدِ تلاعب بتصميمـه وديكـوره
نجي بوقتِ رخى تطـرق مشاريبـه=الظل والأمن والخيـرات منشـورة
ونعجز عن اكرامهم ذي والله الخيبه=خسارة اسنين عمر الرجل وشهورة
العام دعـواه ياربـي تجـي نيبـه=واليوم عسى كسورِ منـه مجبـورة
والإبن لاخيـب ظنـون متعزويبـه=هدم بيـوتِ بحلـمِ فيـه معمـوره

( أغلى اثنين ..)

يارب عوضني بصبرٍ يبري الجرح الدفيـن=اجروح قلبي من ثلاث اسنين ينـزف دمهـا
العالم الله فالثلاث اني فقـدت اغلـى ثنيـن=ابو المكارم والخصـال الطيبـات وعمهـا
اخذت من دنياي في مبدأ حياتـي ميسميـن=ياقوها فوق الحشاء اللي صعب ينسى همها
هذا ونا جنبي على صكـات دنيايـه متيـن=انهرت والكلمات في حلقي عجـزت اتمهـا
الاوله فرقا مربينـي علـى تقـوى وديـن=الشايب اللي سيرته فالوقـت محـدٍ ذمهـا
امضى حياته في صفوف المتقين العابديـن=يالله عسى روحه عفـو رب العبـاد يعمهـا
والثانيه جت في شقيق الروح والعضد اليمين=جتني ونا باقي جروحي في حشاي ازمهـا
انشهد نا كسري بعد فرقـاه مايبريـه حيـن=مالوم عيني لو نضب من كثر مبكي جمهـا
فرقا الكريم اللي تراحيبه على سمن وسمين=موته تباشير السعـاده فـي حياتـي طمهـا
باخت وباخت دنيتي عقبه على مر السنيـن=اقفى حلاها مابقالـي غيـر علقـم سمهـا
الصوره اللي لادله غيري ونامت كل عيـن=اخذتهـا بيـن اليديـن ولضلـوع اضمهـا
والله لو مانـي بمؤمـن بالقـدر يامسلميـن=لجلس مبيـن اقبـوره ليـن الحيـاه اتمهـا
ياااارب تجمعني بهم لحظه بعوث العالميـن=آميـن ورواحٍ تحبـك فالجـنـان اتلمـهـا

( الله يجازيك )

يالله على بابك اللي ماحـد (ن) دونـه=يامسيـر الادمـي حلـه وترحـالـه
عبـدك يناجيـك والعبـرات بعيونـه=ماتملك ايديـه غيـر ادعـاك مثقالـه
لاحاشته عبرته كظـم علـى اسنونـه=يكنهـا فالحشـاء عـن كـل عيـالـه
يبعد عن الناس خاف النـاس يوحونـه=النـاس فيهـا بشـر للحكـي نقـالـه
حتى الرفيـق الموالـي بـاح مكنونـه=وصبح يغنـي علـى فرقـاي موالـه
من قل مالـه جميـع النـاس ينسونـه=ماكـن الـه بينهـم قالـه ولا طـالـه
ومـن زاد مالـه ليـا سيـر ينادونـه=حتى شراء مجلس العـرا ف بريالـه
دنـيـا غريـبـه ودواره وملعـونـه=كم نزلت واحـدٍ فـي غيـر منزالـه
صار التمشيخ مع هل المـال ياهونـه=اللي منـول نصيـب القـرم بافعالـه
الله يجازيـك ياوقـتٍ هــذا لـونـه=حتى الرجل فيك شاف النقص في عياله
وقتٍ علـى الطيبيـن ادرج دركسونـه=ماباقـي الا رفيـق اســو ومثـالـه
لون باقـي لحـى باالطيـب مصيونـه=بـس اليالـي عليـهـم دوم ميـالـه
لوفيـه طيـب هـل الكثـره يغلبونـه=مير الله اعلـم بـدق الوقـت وجلالـه
وصلاه ربي عـدد فـرصٍ يصلونـه=واعداد مالاح بـرقٍ وامطـر اخيالـه
واعداد من طاف بين البيـت وركونـه=علـى نبينـاً سعـى للديـن ووفـالـه

( خســارة )

انا قول دمع العين للعاشقين إذلال=ولو قالو ان العشق ماينوجد طبه
خساره ليا اغرورق بها محجر الرجال=عساها حياة(ن) عقبها الذل منجبه
لكن الدموع بحال تفرق عن اية حال=ليا صار دمع الادمي خوف من ربه
ليا صار في دارٍ خلا مابها نزال=رفع راحتيه ودمعه العين منصبه
تفكر بخلق الكون والحل وترحال=وقامت تفيض الدمع عينه على عبه
تذكر ذنوبه والخطايا وراس المال=مغير الدموع وجات لوهي بلا سبه
الحاله ولايبكي ريا لجل قيل وقال=زفرها الضمير وجمرة الصدر مشتبه
هذي والله اللي تبرد الجاش ياهذال=مهي دمعة اللي ماحصل له ولا حبه
يهل الدموع اليا لقى الرقم في الجوال=قضى ماوراه وبنت الجواد تلعبه
يقول السهر والعشق يافلان سم الحال=وهو لارقد مايصحي الا على غبه
صحيح العقول انواع ولا الجسد تمثال=ولاكل راعي منصبٍ فيه يحسبه
تفاوت اعقول الناس لوهي سوا الازوال=ولا كل زولٍ عقل راعيه تعجبه

( هـــذي .. و أتـــوب ..)

كلٍ يابو مازن ليا هـب الهـوا يطـري عـلاه=خله من العالم وانـا لاهـب ذعـذاع الهبـوب
اسري مع الهاجوس واصبحبه على كل اتجـاه=امن الشمال اسامره واسري معه لقصى الجنوب
كيف اتجمّل ازرع المعروف ويجينـي جـزاه=عكسه بها الدنيا وانا ماشلت شي امن الذنـوب
وان كان عيبي طيبتي والصـدق والله واسفـاه=ماني بمن يعبد وجيه النـاس ويعبـد الجيـوب
وانا رفيقي لو غلط فوقي عسـى الدنيـا فـداه=ادمح له الزلـه ولاسمـع كـل نمـامٍ كـذوب
والصبر عندي محتسيه وذاخره لقصـى مـداه=الزلة اللي يزرع المعروف ويعرف الوجـوب
وليا وصل صبري على الصاحب ليقصى منتهاه=دورت دربٍ يبعـده واليـوم ياكثـر الـدروب
جرح العدو ماهمني يمناي تاخـذ لـي قضـاه=وان ماخذت حقي يميني جعل حضي للغـروب
مير البلا لاجات من شخصٍ مبي شقرت عصاه=انشهد انه من عرب وانه على القلب امحسوب
رمحه طعني في قفاي وكنت حارس لـه قفـاه=بعض الجروح اتذوب لاكن جرح ماولله يـذوب
وبعد انكشف لي موقفه عزيت قلبي في خطـاه=ياقلب حاسب ونتبه جعلك بعـد هـاذي تتـوب
ياقلب قبل العرف دقق في هذا وعـرف هـذاه=لاتحسبنك عند كل الناس ياقلـب محبـووووب

( الخــوي )

انـا ليامنـي نويـت انهـج الـدرب=اعرف خوي الجنـب وانبيـه وانخـاه
مع رفقتـه ماحسـب البعـد والقـرب=اللي لاشـان الوقـت يضحـك محيـاه
مالي ومال امرافـق الهيـم والجـرب=لاصـار معرفتـي بمثلـه وشــرواه
قرماًليا جـا فـي ليـال العنـا كـرب=انصـه لضـدات اليـالـي وتلـقـاه
اجيه والضيقات سـربٍ ورى سـرب=والحال غـارات الهواجيـس ترعـاه
وروح من عنده مثل فـارس الحـرب=اللـي ذبـح خمسيـن فـارس بيمنـاه
والله لو مااخشى مـن الظلـم ياعـرب=واخطي على ناسٍ لهم فالزمـن جـاه
لقـول مافالشـام والشـرق والغـرب=مثلـه ولاسيـر علـى الارض حليـاه
بعض العرب يضرب عليه المثل ضرب=كساب قولة نعـم حتـى مـن اعـداه
والترب لـو تنخـاه وتشجعـه تـرب=لابـد مايرجـع السـاسـه ومـربـاه
لاتبتلـش فالغـرب يانافـخ الـغـرب=الطيـب تكسبـه الرجـال المسـمـاه

( الــدره ..)

ياصاحبي لو نعد العشق وأسبابه= سويت بي شي ماقد صار بالمره
قتلت راع الهوى واخفيت جلبابه=وامست عيون العدا يازين مستره
من سمع جرحي من العدوان غنابه=واليا اعرضت سيرتي طرق الهوى جره
اخاف لاصير ثاني رجل بعتابه=قفابه الود لاطاري ولاجره
انا دخيل الوجن والرمش واهدابه=والبسمه اللي سوات النار محمره
عالج جروحك وروحٍ منك منصابه=انا دخيل العيون السود والغره
جرحتني فالزمن جرحٍ تمارابه=جرح العرب فاغتيال محمد الدره
وان كان قصدك على فكرٍ تحدابه=وأسلوبك اللي يخل النفس منضره
راجع خطاياك واعط الحق طلابه=طالبك لاتلحق الكره ورى الكره
الله عطى الادمي عقل يتلهى به=ماهو بصعبٍ يشيله عنك بالمره

( مشروع حب )

ياديرتي والله مابيعـك بالاثمـان=ابعد على الطماع من حبة الكـوع
ياديرتي والله ولـو كـان ماكـان=يبقى علم عزك على طول مرفوع
فدواك حنا لازمـا كـل شيطـان=مشروع حبك فايقن كل مشـروع
حتى ولو حاول منافـق وخـوان=الشر بذن الـرب يـادار مدفـوع
شعب وحكومه كلنا وصف بنيـان=يشد بعضه بعض والشك منـزوع
يادار حبـك وارثـه ورث جـدان=ماهوب حب ايام وشهور وأسبوع
ياشلة التكفير وإرهـاب الاوطـان=ياناشرين السم مقري ومسمـوع
الدار تكرم والكرامه علـى شـان=دارٍ غلاها داخل الـروح مطبـوع
تكرم بلادٍ دينهـا خيـر الاديـان=مهبط وحي ماجمعت نوع مع نوع
فيها التفاف الشمل وبذور الاحسان=تاصل بها ولوصل ماهوب مقطوع
ولاهزنا من طاع عبـاد الاوثـان=درس مناهجهم وضلا لهم طـوع
والمنتحر منفي ونافيـه الايمـان=ولامن ورا دربٍ سلك فيه منفـوع
ياديرتي عزك على مـر الازمـان=من عز حكاماً تخل الصعب طـوع
فهد وعبدالله عضيـده وسلطـان=وحنا وحكام الوطن قلب وضلـوع

أخوكم

بدر الكريزي

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[عبدالله الجـــذع]

ماشاء الله عليك يابدر


ديوان لشاعر راآئع ومبدع

برز في فتره وجيزه وهو اهلا لذلك

وذو صوت جميل ورنان

فعلا انه الشاعر المتكامل


الف شكر لك يابدر

محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

ياسلاااام

أختيار فاخر يابدر ..
عسى الله يسلم يداااك .. فعلا مسعود المقاطي
من الشعرااء الذبن يعدون من شعراء النخبه من وجهة نظري
الشخصيه ..

يثبت الديوان مع دواوين شعراء عتيبه ..

تحيتي
...

التوقيع

للتواصل عبر twitter تويتر al_bargawy@

[ولد سجوان]

ماشاءالله عليك يابدر وصح لسان شاعرنا ولاشلت يمينك على هذا النقل الموفق

[حمـد المقاطي]

يعطيك العافية

يا بدر الكريزي

ومسعود المقاطي

شاعر كبير

لاهنت

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

[أخو جوزا]

صح لسان الشاعر العلم مسعود المقاطي.


الشاعر مسعود المقاطي شاعر يجبرك علي متابعته لما يتميز به من

اخلاق عالية وادب جم وحضورأ مميز.



لاهنت بدر.

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[ابن صنهوت]

بدر الكريزي بيض الله وجهك على هالمجهود لاهنت يالذيب يعطيك العافيه
وصح السان شاعرنا مسعود
تقبل مروري يالذيب

[بدر الكريزي]

المشاركة الأصلية كتبت بواسطة عبدالله الجـــذع

ماشاء الله عليك يابدر


ديوان لشاعر راآئع ومبدع

برز في فتره وجيزه وهو اهلا لذلك

وذو صوت جميل ورنان

فعلا انه الشاعر المتكامل


الف شكر لك يابدر

محبك

.,

كنت على ثقه بأنك أول من ينير المتصفح .,


العـفو ..

و لا هنت على المرور .,

[بدر الكريزي]

المشاركة الأصلية كتبت بواسطة محمد العتيبي

ياسلاااام

أختيار فاخر يابدر ..
عسى الله يسلم يداااك .. فعلا مسعود المقاطي
من الشعرااء الذبن يعدون من شعراء النخبه من وجهة نظري
الشخصيه ..

يثبت الديوان مع دواوين شعراء عتيبه ..

تحيتي
...

مرورك الــفاخر يا محمد ..


لا هنت على إضافته لدواوين شعراء عتيبه ..

[بدر الكريزي]

المشاركة الأصلية كتبت بواسطة ولد سجوان

ماشاءالله عليك يابدر وصح لسان شاعرنا ولاشلت يمينك على هذا النقل الموفق

سعدت بأن الموضوع حاز على رضاك ..

لا هنت على المرور ..


.,