مرحبا بك يا سفير هذيل عند عتيبه=العلاقه كيف بين هذيل و العتباني ؟

[معجب العتيبي]

علي فلاح العضياني

مرحبا بك يا سفير هذيل عند عتيبه=العلاقه كيف بين هذيل و العتباني ؟
يا هذيل الله يامنّا بعد طول الغيبه=كل ما يولد ولد ولياه مثل الثاني

فواز السعيدي

بارك الله فالعضياني وفي ترحيبه = والعلوم مصلحه بيني وبين العاني !!
شجرة الريحان لو اتموت جات امصيبه = ياعلي والله ما ماتت شجرة الريحاني !!

علي فلاح العضياني

في قلوب الناس تلقى للعتيبي هيبه=خصّ فالهذلان و السلمان و المطراني
انت تضحك بالسنون و كلّها تركيبه=من كبر عقلك تبا تضحك على العرباني

فواز السعيدي

قرقعي يام الخلا مادام راسك شيبه = وانت وسم هذيل في علباك ماتنساني !!
دارت الدنيا وقام الوقت ينفض جيبه = ولدت الدنيا وجابت شاعر عضياني !!

علي فلاح العضياني

الكلام اللي بدون إثبات عيب تجيبه=وانت عن ربعي عتيبه تزبن الضلعاني
أنت رجلٍ تجهل التاريخ ما تدريبه=بعد تاريخك دفنته مع عظام الفاني

فواز السعيدي

عندي الاثبات لايدخلك مني ريبه = (قصة البوباة) ننقح روسكم من داني !!
ياعلي كلمتك هاذي صرها في عيبه = لاتذكرني بصوت ملهي الرعياني !!

علي فلاح العضياني

هيه ... مالك فعل ثابت تقدر تماريبه=بس من بعد ( الودانه ) خاطرك زعلاني
و الله إنّي جارحك جرحٍ تبا تبطي به=جلّ ربٍ صوّرك في صورة الانساني

التوقيع