ابن سرحااان الثبيتي =
ياسعود العصيمي دام طاح الجمل=الجمل طيحته ياسعود تفجع هله
كم عزيز غدى فيها وكم من فحل=مادرى ان الليال السود ماتمهله
سعود العصيمي=
لاتعد الجمال احسب حساب العمل=والبنادم محاسب يافتى بعملـه.
يمضي الوقت والغافل يحط ويشل= انتبه للعلوم وشيل حملك شلـه.
ابن سرحااان الثبيتي =
انت تدري وانا ادري وين كوكب زحل=و بدت صورته فالما ماهـو منزلـه
كم دخان تعلـى فـوق راس الجبـل=مار يبقى وضيـع وطلعتـه مشكلـه
سعود العصيمي=
كل رجلآ بفعله في مقامه نـزل=وابيض الوجه فعله للقمر وصله.
كفو مافيه قاصر قول والا فعـل=يغفر الله اله ويعوض اهله ابدله
ابن سرحااان الثبيتي =
ياسعود ابتلشنـا فالبعيـر الحـول=وش تشوف وتورى في هذا المسأله
كل ماقلت طاب وقام حضـه زعـل=مار لن ما تعوذ من بليـس ازهلـه
سعود العصيمي=
كان تقدر تعـدّل بحولـه يعتـدل=مامعي بصر فيها روح له واعدله.
انت شاعر كبير وفي الغداري تدل=ماتبا لك معلـم قيـده واعقلـه.
ابن سرحااان الثبيتي =
البعير التهامي ياسعـود نهبـل=عانه امعدي فراس الجبل بحمله
اثره اثره حقود ولا نسا ماحصل=مار ماضيه مايشفع لمستقبلـه
سعود العصيمي=
صبح بكره يبا ياخذ جزاهـا دبـل=اخذ دورك ودوري واصله واصله.
كان ودك بحل اشوف هاذي حـل=وانت تعرف طريقك ماتبي بوصله
ابن سرحااان الثبيتي =
اشهد انه بحكمه يالعصيمي عدل=حضرة القاضي اللي قفل المشكله
مار بعض الاوادم كن ماله عقل=يحسبن الرصاص الحي مايقتلـه
« آخـــر الـــمـــشـــاركــــات »
03-Jan-2009, 08:37 PM
العرض العادي
