يابن سرحان اليتيمة كم لها تشكي عللها

[معجب العتيبي]

سعود العصيمي

مرحبا في الحلة اللي طيبها من طيب اهلها = ربعي اللي تكعم العايل ولا تظلم بختها.
يابن سرحان اليتيمة كم لها تشكي عللها = والمصيبة يوم جات وجاتها وشلون جتها

ابن سرحان الثبيتي

والبقا ياللي ترحب حلة ٍ ماحد جهلها = واهني اعتيبه بمثلك وربعك يا بختها
واليتيمه يالعصيمي ماعرفنا اللي قتلها=ليتك اتعلملنا وتقلنا وش سالفتها

سعود العصيمي

ماعليكم زود واللي ينقض الحجة فتلها= والعلوم الطيبه لرجالها اللي كملتها.
ماقتلها غير من ترقل عظامه ماكفلها = واحدٍ عينه تشوف دموعها مع مشكلتها.

ابن سرحان الثبيتي

لو بدت فالريع شفنـا زولهـا ولا حللها=ما تغطت بالقناع اللـي معلـق فرقبتهـا
لو تنادي للجموع اضن صوتك ماوصلها=والسنين اتدور والايام في دربك رمتها

سعود العصيمي

لو نقارن ما تقول ابماحصل مالت اعدلها= والحقايق واضحة واصحابك اللي سببتها.
اعتقد تسمع نداى وكلمتك للناس قلها= لاتظلي هكذا لافوق الارض ولا تحتها

ابن سرحان الثبيتي

جفت الاقلام واخبار الصحف كل ٍ نقلها = طايره مرت ولكن المدافع دمرتها
البلا ماهو في بنت اللاش لا حطت كحلها = البلا فالديره اللي جات فيها وسكنتها

سعود العصيمي

الحقيقة فاعلٍ لك فعلةٍ محدٍ فعلها =راضي الميله علي من البدايه من جهتها.
حملتك ياشعيل شيال الحمل نوّخ وشلها= العجم والترك من يرطن لها معرف لغتها.

ابن سرحان الثبيتي

واهني الجادل اللي ودها تركب فحلها = ياعتيبه واحسايف كان هذي خاتمتها
ملعبتكم كل شاعر قال انا الليله بطلها = والنهايه مالقينا اللي يجيبون اثمرتها

التوقيع