عذراً غزه

[نايف ابن عنيزان]

السلام عليكم ورحمة الله وبركاته اليكم ماكتبته في مضض

(نداء القدس)

في زمان الضماء والمهمهيه=نرجي النور من ليل العتم
في زمن ضعف وعزومن رديه=صرخةٍ مالقت له معتصم
ينادي القدس وين اهل الحميه=ويصرخ اطفال وين اهل الشيم
وين الاسلام وين اليعربيه=وين هالعالم وين اهل الذمم
وينكم ياهل النفس الابيه=من صلاح الدين واصحاب الهمم
وين مليارعن اشرف قضيه=طالت وطولت وين الحسم
قصة القدس صارت سرمديه=مانفع شجب وأحراق العلم
وين من ينطق الكلمه الجريه=يوم صهيون عربد وقتحم
اولى قبلاتنا ومعرج نبيه=صار لعبه بيدين الرمم
جيش صهيون في يده الدنيه=دنس القدس وين اهل القيم
يقصف بطايرات ومروحيه=يقصف الشعب الاعزل ويهدم
يزهق ارواح ونفوس ٍ بريه=يوجع الكبد ويجيب الألم
نسوه وكهل واطفال الضحيه=وينها وينها هيئة أمم
الى متى ذل وضلم وعنجهيه=واحقر الخلق هو اللي ضلم
الى متى العرب في نومه هنيه=تغرق بنوم وسبات ووهم
الى متى احلامنا هالنرجسيه=الى متى فبوش راجين العشم
لعنبو هاالسياسات الغبيه=لامتى ودمناء تحت القدم
تذبل بكفنا غصون ٍ نديه=نرتجي ري بوش المحترم
منهو الجاني ومنهو الضحيه=ومنهو المعتدي ومنهو الخصم
ومنهو اللي خذا خاطر خويه=لين الاقزام وصلو للهرم
الكرامه تبي وقفه عصيه=قدم وجه العصي مهما عضم
يكفي نصافح ايدين ٍ خزيه=لطخت في دماء اطفال الحرم
نرتجي من شموس القيض فيه=نرتجي منهم عطف ورحم
مابها النارللضميان ميّه=ضحكت السن يتبعها سهم
يعاهدون ولهم الفين نيه=بنقضت العهد عرفو من قدم
لعنو بكتاب خلاق البريه=الله اعلم وهو افضل حكم
والعذر منك يا غزة السبيه=الهمم غير هذيك الهمم
مالنا الأ ندن الهاشميه=عقب مانكسو روس القمم

شعر.نايف حزل العنيزان

[السواجي الروقي]

ابن عنيزاااااااااااان


والله ماالووومك وقصيدتك موووثره وصح لساانك




لكن مابليد حيله وحسبي الله ونعم الوكيل







تقبل مررووري وتحيتي

[فواز علي الروقي]

صح لسااااااانك لاهت
ولاهان ماقلت تقبل تحياتي

[أخو جوزا]

لافـــــــــــــض فـــــــــــوك يانايف

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[نايف ابن عنيزان]

اسواجي الروقي اشكر مرورك الله ينصر الاسلام والمسلمين

[نايف ابن عنيزان]

اخي فواز الروقي تسلم وصح بدنك ,,,

[نايف ابن عنيزان]

اخو جوزا تسلم الله لايهينك على مرورك

[فهيد الايدا المورقي]

نايف بن عنيزان صح لسانك على القصيده الجزله



تحيتي

التوقيع

حسابي في تويتر faheed_1234

[معجب العتيبي]

صح لسانك يانايف

وموضوع مهم نتكلم كلنا فيه


واهل القصيد مالهم مجناب عنه


الله ينصر المسلمين

التوقيع

[ماجد المحياني]

بيض الله وجهك


قصيده مؤثره وجميله