ياقادح الشرار قلي على وين

[الروقي موجود]

في حلة الهيلا صعوط المجانين=
= يامرحبا وعداد وبل الخيالي
ياقادح الشرار قلي على وين=
=قدحتك هذي من جنوب او شمالي

[قادح شرار]

حَسب العوايد والشيّم و القوانين = دام البقا والخير في كل حالي
من وين ما تبغا .. يا راع اتجاهين = وأنته تخيـّر وين ..يا ابن الحلالي

[الروقي موجود]

ارحب ياقادح تراحيب المطر واسف على التاخير توني اشوف ردك

العام اشوفك تبني وتهدم الطين=
=واليوم ماشالله في روس الجبالي
لاتقرب الشراره من حول بنزين=
=حذرك ياقادح قبل تشعل شعالي

[قادح شرار]

العام عديّنا ف(روس) الضلاعين = واليوم من بطّرة .. مميّل عقالي
ألا أنت يالروقي هذه .. جاي ٍ منين = شاعر وتوقيتك لكنـّه ..زوالي

[الروقي موجود]

درب السعد قدمك ومن زين في زين=
=ومنزلك عندي منزلأ عالي عالي
جيتك وانا وافي مع اللي وفيين=
=وصرف بيوت الشعر صرف الريالي