من ريقك الحلو يرويني ولو قَطْرَه,,,أعطيني من العسل قَطْرَِه وتَكْفِيني

[مقعد الدغيلبي]

وآ

	كبدي اللّي على شوفتك منفَطْرَه=زايد ظماها ..ويابستٍ شراييني!! *=* حتى المطر يوم يمطر.. مالتفت شَطْرَه=لأنَّي أن شفت برق الغيث.. يضميني!! *=* أتخيَّلك من غلا ..محبّه ..وبَطْرَه=واتذكَّر أوصاف خدَّك يانظر عيني!! *=* يامهجتي فالحياه الحلوه العَطْرَه=أنتي هوايه مدام الله محييني!! *=* وشعري وحرفي.. قبل يكتب على سَطْرَه=منقوش فالقلب باسمك.. مير تَكْفَيني!! *=* ترى حبيبك يعيش بحالةٍ خَطْرَه=والموت شعره ..تبقَّت ..بينه وبيني!! *=* شاعرك ضميآن من شَطْرَه ليا شَطْرَه=ومن المطر ماروي ..ياروحي ارويني!! *=* من ريقك الحلو يرويني.. ولو قَطْرَه=أعطيني من العسل قَطْرَِه ..وتَكْفِيني

......

اقول وانت سالم وغانم

لله درك ياعيضه كبير في حضورك
وفي شعرك

شامخه بشموخ شاعرها

قصيده رائعه وغلفت بغلاف الجزاله

تقبل مروري ودمت بخير دائماً

التوقيع