محمد العضياني
سلام ردة على الشاعر على بن فلاح=يخص ويعـــمّ لاهل الطيب والمعرفه
يا زين عدّ السوالف في حدود المباح=ابو ورق يبرزه وابو ذهب يصرفه
علي فلاح العضياني
يا مرحبا من ضميرٍ باعذب الشعر فاح=بالشاعر اللي نعرف علومه و نعرفه
إليا وردنا وردنا فوق عدّ قراح=ندلي عليه الحبال و بالدّلي نغرفه
محمد العضياني
دام البقـــا يالمرحب مار رف الجناح=حتى تعلى براس القمة المشرفه
ياعلي قدام لا يبدي شعاع الصباح=اسمع جوابي وعد الكلمة المنصفه
علي فلاح العضياني
ياللي توصّ الطبيب اللي يداو الجراح=راع المواقيف دايم يحتمي موقفه
ان كان عندك علومٍ طيبه واقتراح=طرّش لي العلم والموضوع لا تكشفه
محمد العضياني
الآدمي ضاعت حقوقه وهوج الرياح=تسرف وميعادها بين العرب تخلفه
كلً تكلم وقال آسف ومالي صلاح=الا علي حبذا لو موقفه يوصفه
علي فلاح العضياني
باب الهوان انفتح في عالم الانفتاح=عزّي لمن حالته بين العرب موسفه
بعض العرب يحسب انّ الجدّ مثل المزاح=ما غير يضحك لو انك بالحصى تحذفه
محمد العضياني
عليك كل العتب ياللي تشيل الرماح=وراك ترخص حبال الجادل المترفه
بكره يدين الصدأ تلحق جديد السلاح=حتى علي لو كتب خطه تضيع احرفه
« آخـــر الـــمـــشـــاركــــات »
24-Nov-2008, 08:12 AM
العرض الشجري