ناصر الجلاه
سلام تسليمٍ هذا نصه مكتوب في نصه=(( الله يغفر زلة لساني من عظمة لساني)) !!
معجب جراله فالزمن قصه يامطيب القصه=لزوم يذكرني ماينساني وشلون ينساني !!
معجب العتيبي
يامرحبا ياراعي الجعصه لاتزود بالجعصه=ووتخرّب التسليم بالعاني وتروح بالعاني
معجب منه صابتكم الغصه يامصعب الغصه=هات الخبر ونحاسب الجاني لاصار ابه جاني
ناصر الجلاه
دام البقا وص الولد وصه بالطيبه وصه=قله مادام إن الزمن فاني لاتروح يافاني !!
لاتزود الغصه على الرصه واكمل الرصه=وانته رفيقي ضمن حباني ياقل حباني !!
معجب العتيبي
خاتم وفي وسط اصبعي فصه مايختلف فصه=وان جا لزومه سيف شاماني والسيف شاماني
لسان راع الزور اباقصه لاطال اباقصه=ياصاحبي ياذرب الايماني ياذرب الايماني
ناصر الجلاه
خاتمك عظمه جبصوا جصه والعظم من جصه=لاتحسبه (خاتم سليماني) ما أنته سليماني !!
ود المريض لدار مختصه في شهار مختصه=مجنون ماهو نسل عتباني والجمع عتباني !!
معجب العتيبي
مشروعنا بدعت في نصه واخفقت في نصه=يالشاعر اللي جر الالحاني دقق بالالحاني
فالمدرسه مايدخل الحصه ومضيع الحصه=ومجالس اهل العرف ميداني ماطب ميداني
ناصر الجلاه
ترى الاثر معروف ألي لصه قص الاثر قصه=ماقلتها من غير عنواني بإسمي وعنواني !!
بديت مع معجب وزن اصه والقافيه اصه=ونواصله في ليلنا الثاني في قافنا الثاني !!
معجب العتيبي
بعض العرب فالعلم وش خصه فالعلم وش خصه=ياكثر مافالناس عمياني فالناس عمياني
عروسة تختال في نصه تختال في نصه=تنشاف ياناصر بالاعياني وتسر الاعياني
« آخـــر الـــمـــشـــاركــــات »
23-Nov-2008, 11:19 PM
العرض العادي
