قصيدة الشاعر فهد القثامي في حفل سلطان الجلاوي

[ابو عمر الخليدي]

قصيدة الشاعر فهد القثامي ابو خالد

( الليله الرايه طناخة شيابين)


في عهد ابو متعب تحت راية الدين
...........با العاصمه في مملكتنا الحبيبه

الليلة الرايه طناخة شيابين
........... والبيرق المركوز بيرق عتيبه

لطامة العايل صعوط المجانين
......... ذباحة الحايل صدورٍ رحيبه

والغزوه اللي تنتظرها الميادين
........ جهز لها قايد سلاح وكتيبه

من لآد شيبان الفهود المغذين
.....أهل الفعول الشامخات الصعيبه

صدره لجزلات المعاني دواوين
...... وسيوف عزمه مرهفاتٍ حديبه

ولا يعرف إلا وحده بين ثنتين
...... اما تجي با الطيب ولا غصيبه

وحنا حزامه في اللقاء ونعرفه زين
.... ......سهمٍ يفجر كل قلبٍ يصيبه

وأن قاله الله وصار للحق تبيين
......... مارح إله سلطان لازم يجيبه

العام أخذنا مع هل اللعب شوطيين
........ ولا أحدٍ غلبنا في المعاني غليبه

حتى غدا عنا اللقب قاب قوسين
........ وفزنا بها مافيه شكٍ وريبه

يكفي مصافحنا كفوف السلاطين
...... ويكفي تجمعنا غدا فيه هيبه

وأن عودت للمختصر با العناوين
...... ....الفوز والله وقفتك يا عتيبه

في الموقف الغصاب كنتو وفيين
........وكلٍ خسر من حر ماله وجيبه

وأنتم هل الوقفات في العسر واللين
........ وهذي تراء ماهي عليكم غريبه

ولو كان كف العدل سيد الموازين
........... محدٍ مطالبكم عليها طليبه

يامن يبلغ دولة الهند والصين
......... اللي على الشعار تأخذ ضريبه

لا يزعجون الناس من حين لا حين
............ بيرقٍ في الحرب ما ينغزيبه

[عبدالله الجـــذع]

العام أخذنا مع هل اللعب شوطيين
........ ولا أحدٍ غلبنا في المعاني غليبه

حتى غدا عنا اللقب قاب قوسين
........ وفزنا بها مافيه شكٍ وريبه


الله اكبر..

صح لسان المبدع فهد القثامي..

كفو والله.

والله يوفق ابو صاهد ..

مشكور يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد الزهراني]

يامن يبلغ دولة الهند والصين
......... اللي على الشعار تأخذ ضريبه

لا يزعجون الناس من حين لا حين
............ بيرقٍ في الحرب ما ينغزيبه


جبتها والله يافهد القثامي

صح لسانك ملايين

والله يوفق ابو صاهد

شكرا يابو عمر

[ابو عمر الخليدي]

الجذع

الزهراني

سرني مروركم الكريم

[عزوتي عتيبه والابل تروي]

لا هنت يا ابو عمر

[ابو محمد الدعجاني]

يامن يبلغ دولة الهند والصين
......... اللي على الشعار تأخذ ضريبه

لا يزعجون الناس من حين لا حين
............ بيرقٍ في الحرب ما ينغزيبه



بلعون ماكذبت صح السانه ولاهنت اخويالخليدي

[@ـايل]

صح لسان الشاعر فهد القثامي على القصيده الطيبه..

ويستاهل ابن صاهود كل علم طيب..


ولاهنت ياو عمر ..على النقل الطيب والله يعافيك..

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@