قبيلة حرب وقبيلة عتيبه لن يفرقهما أحد .!!

[الباتع]

** ماتستغرب من عتابة ردة الفعل الغاضبة من هذا اللقاء المقيت ويعلم الله إنه انشرح صدري من الردود السابقة العقلانية التي تمثل السواد الأعظم من إخوان أبناء القبيلة الشامخة عتيبة وأنا أشهد إنكم أهل عقل وثقل والله أتمنى إن شاعر وأسطر فيكم أجمل المدح والثناء لكن حبيت استحضر :

ســلام يالهـيـلا قبيـلـة عتـابـه

سلام(ن) اسوقه من الـروح لـروح

نفحة شذى ريضـان نبـت السحابـه

معه وعليكـم تنبعـث منـه وتفـوح

مـن بيننـا مابـا المعـزه غـرابـه

لها وسط قلوبنـا ابـراج وصـروح

للوصل بجسـور التواصـل صلابـه

حقايق(ن) ماهـي بقاويـل ومـزوح

ياللي علـى صـدره نقشتـوا كتابـه

صدر الكتاب اللي للامجـاد مفتـوح

علـى جبينـه ياجـده مـن قـرابـه

تاريـخ سيرتكـم مـدون ومشـروح

صافح جبين الشمـس عـز ومهابـه

احد(ن) عنه راضي واحد منه مجروح

لـولا بيـاض افعولكـم مـن رقابـه

على سفوح(ن) دونها سفوح وسفـوح

لطامـت العايـل اليـاجـاب مـابـه

وذباحة الحايل لـو الـزاد مشحـوح

فيكـم علـى تكفـى غلاثـة اذيابـه

وعلى نعم فيكم ضرم راس مشفـوح

تاريخكـم بالطيـب كـل(ن) درابـه

وعلى ماقيل العلـم مقفـي ومنطـوح

الطيـب ياعتيـبـه لبسـتـم ثيـابـه

قول وفعل والكلمـه اللـي لهـا روح

واللي رجـاء عفـوه يسابـق عذابـه

حفاظ بيض وسود الاعمـال باللـوح

لو ماني محاسب علـى كـل جابـه

انـي لاقـول بكلمة(ن)حـد ذابـوح

بفعالكـم مـع غيـرهـا ماتشـابـه

لكن بظلـم النـاس مانـي بمسمـوح

ايـه احتـرم حـق القبايـل واهابـه

والظلم عنه العبـد منهـي ومنصـوح

ماتنهـب حقـوق القبـايـل نهـابـه

حتى اني انسفها على ضهري واروح

لكم اخشرى بالطيب مـن كـل لابـه

الطيـب حق(ن)للاجاويـد ممـنـوح

مثل المجم اللـي عـذي(ن) شرابـه

وكل(ن) بدلوه يـارد الجـم ويمـوح

مايغـط نورالحـق ويصـك بـابـه

الا ضعيف العرف وقصيـر الشـوح

عسى السحاب اليـا تراكـم ضبابـه

وبروقـه تفـرق مثانـيـه وتـلـوح

على وطـن صقـر العروبـه عقابـه

همالها يروي عطش كـل صحصـوح

غيث(ن) مايذكر للضرر فيه اصابـه

صحه على ماقالو النـاس وصحـوح

ليـن يتشابـك نبتهـا تـقـل غـابـه

وروس الزبيدي كنه المرو بالصـوح

حاولـت تجنيـب الخطـاء ورتكابـه

ون حصل مطلوبي عفو كل طحطوح

قصيدتـي تختـال كبـر وصبـابـه

علـى معانقهـا سمـع كـل ممـدوح

وختـام شاعرهـا مـثـل مابـدابـه

الا انـي بكلمـة شـرف ودي ابـوح

تدرون من اولا البعض مـن شبابـه

برقاء وروق وبني سالـم ومسـروح

آخر تعديل الباتع يوم 15-Nov-2008 في 12:42 PM.