بندر و معجب ؛؛؛ خال و بناخيه ::::

[بندر المرشدي]

علي فلاح العضياني

يا معجب تعزو إبّندر ليا تعزويت= ليا جا نهار فيه فعل و عزاوي
ترى بندر بناخي شليويح و بخيت=خواله شليويح و بخيت العطاوي

بندر المرشدي

توصي ولا ادري ليه ياعلي وصيت=وش اللي بعدها يابعيد الهقاوي
عسى الله يبق الحيّ ويسامح الميت=رجالٍ تحل الكايد من الدعاوي

علي فلاح العضياني

يا بندر من وصاتي وراك استشكّيت =ترى الشكّ علّه تعجز أكبر مداوي
على غير معنى مستحيل أكتب البيت=لكنّ انشد اللي ياصلون الحراوي

بندر المرشدي

ترا الوضع عادي مار أشوفك تحميت=ولا فيه شيءٍ يستحق النخاوي
وانا خابرك من ضيقة البال غنيت=ولاكّن وسع خاطرك يالشقاوي

علي فلاح العضياني

يا ليتك توقّت ساعة الصفر توقيت=ترى جايكم من فوق قصفٍ سماوي
ما خيّبت ظنّي يوم أنا فيك ظنّيت=طريقي مثل ( كفّي ) سماح متساوي

بندر المرشدي

ربطنا عن الدرّة يدين العفاريت=ولو حاول العفريت ماهو بقاوي
ترانا ورى ظنك لو انك تقصيت=ونيل المراجل ما يجي بالمناوي

علي فلاح العضياني

نصيحه تجوّد فالعمود و ذرى البيت=عسا الله يكافيك البلا و البلاوي
كلامك هذاه يثبّت العلم تثبيت=أبكتب عليك اقرار ما هو شفاوي

بندر المرشدي

زمانك يشتت كل الافكار تشتيت=سكن ناطحات السحبْ ناسٍ شواوي!
اشوفك على بعض السوالف تجريت=ولاكّن عان العدّ قدمك رهاوي

علي فلاح العضياني

ليا فاتت الاولى ما ينفعك يا ليت=عسى الله يبارك في رصيد الغناوي
مع انّ الفكر مشغول مع شاعر ثبيت=و لا ردّني عن فعل ما كنت ناوي

بندر المرشدي

ترا ماتجي لك ياعلي لو تمنيت=عن اللي يريده تاب قلب الهواوي
يأبى الفيت ياكثر السوالف يأبى الفيت=ولا من فعل يرويه للناس راوي