عبدالمجيد العطاااوي=
ياسلامي على الهيلا نمور المواجـه=لأنكشف بارق الغارة وثار العجاجي
العصيمي مضيّع صيدته في عجاجه=خمّ معجب وعينه للثبيتـي تناجـي
سعود العصيمي=
مرحبا من ضميـرٍ ماتعكـر مزاجـه=للمسلم على دلـة وفلـة حجاجـي.
شاربه من قراح العد ما هو هماجـه=ما رجى غير وجه الله ولاهوب راجي
عبدالمجيد العطاااوي=
عاش من قدم ضيفه ما يعقّد حجاجه=وامّا انا لا لقيته ما تعكّـر مزاجـي
من يوامي براسه مثل راس الدجاجة=واجبه ما يحطّ الاّ بشبك الدجاجـي
سعود العصيمي=
نكرم ضيوفنا وانجيب للدّاء علاجه=وانت لاتعترض للموت ماله علاجي
دوّره واروله من مارواه ابن ماجه=الحرار الشقر ماهي بمثل الزراجي
عبدالمجيد العطاااوي=
فيه هرجة عدال وفيه هرجة عواجة=والعواجة مصدّرها لسان العواجـي
في المدارس قفل باب القبول احتياجه=وانّ قفلت احتياجك ما قفلت احتياجي
سعود العصيمي=
يالعطاوي لاترطن مثل رطن الخواجه = والعواجه موردها لسان الخفاجي.
انت طالب وتدرس والك فالدرس حاجه =والاانا قد خلصت وعالياتٍ دراجي
عبدالمجيد العطاااوي=
علّم الشاوي اللّي ما يـداري نعاجـه=لو يطول الزمن عيشه على هالنعاجي
ابك انا جامعة والوجه للوجه واجـه=كلّ حقٍ يجي دونه طلب واحتجاجي
سعود العصيمي=
امتولجك من وقتٍ مضالك ولاجه = قلت وش بك علامك قال نور السراجي
مانذمك لكن النور يفضى الزجاجه = مثل ضرب الحجر لاطاح فوق الزجاجي
« آخـــر الـــمـــشـــاركــــات »
العرض الشجري