علي فلاح العضياني
هلا يا مرحبا بك يا جملنا شامخ النيبان=لو ان الهرش ما عاد اله لا حولٍ و لا قوّه
توكلنا على الله قدمك الميدان يا حميدان =و اذا في خاطرك شيٍ تبا تسوّيه قم سوّه
سعود العصيمي
يدوم الك البقاء ياشعيل ياللي تضرس اللحيان = وهرشك ياوسيع العرف في عز الصبا توهّ.
توكلنا على الله وانطح الفرسان فالميدان = وكلآ معه زند ومن زناده شاعمٍ ضوّه.
علي فلاح العضياني
أنا أفرح يوم في موقع عتيبه عندنا شيبان=و ابو طايل مع انّه عود شايب ... صافيٍ جوّه
وراك عن المهمّات الصعاب تقفّل البيبان=و لا لك مع مشاهير البلد رفقه و لا خوّه
سعود العصيمي
يقولون العرب اعيال عام يحسّبون اسنان = وانا بيني وبينك عام وابناء عم وعنوّه
لياجات المهمات الصعيبه نرجح الميزان = ورجالٍ يصك الباب عنها مابه مروّه
علي فلاح العضياني
تبا تجحد لكن الشيب في راسك و دقنك بان=يبين اسفل شعر دقنك لو انّك تصبغ علوّه
لو انّك قدّها ... مستور ... عدّ اسمك مثل حمدان=يدور الوقت و سعود العصيمي ما اختلف .. ( هوّه ) ...
« آخـــر الـــمـــشـــاركــــات »
06-Nov-2008, 10:56 PM
العرض المتطور
