العازمي
يالعايضي قلب الفتى لاشك مليانٍ طموح = وانته طموحك جاوز المعقول لحدود الجدي
ان كان ودّك تطلع الرجم الطويل آقول روح = في طلعتك تفرح عتيبه كلها يامسندي
سلطان عايض العايضي
هاذي عوايدنا ونطمع في طويلات الصروح=يامرحبا بالشاعر اللي قام بالقاف يحدي
حنا على ظن الرجال اللي بعيدين الشبوح=نمشي على وضح النقا والله على الخير يهدي
العازمي
ان كان ودك يالعصيمي مع سفينة قوم نوح = تقدر على الامواج والا من هنا دق العدي
اليا كتبت اسمك على الصفحات والا فوق لوح = وانا معك بالعلم الابيض مايبوربك اجهدي
سلطان عايض العايضي
لابارك الله فاليمين اللي عن الواجب شحوح=وحجز لنا موقع عسى يفداك ياعيد الردي
هاذي شهادة عز من شرواك ماتبغى شروح=يدري بها معجب وابن حمدان ويالمرشدي
العازمي
فبداية السلم يابو عايض تفكر بالسطوح = قبلك رجالٍ جاهدو بالفكر والقاف النّدي
العود الازرق للثلاثه وانت من يمي يفوح = قبلك ثنينه وانت ثالثهم كلام اموكّدي
سلطان عايض العايضي
يمكن رقينا قبل ماترقون يالقلب النصوح=النا شهر لكن في الميقاف ماغاب سعدي
ان كان ماني بأول الفرسان والبارق يلوح=اقول يامزن السماء اما ابرقي ولا ارعدي
العازمي
حنا يعالج يالعصيمي طبّنا كل الجروح = وانته عن ادروب النشاما ماهقيناك اتغدي
ان كان بالسيف الحدب قدّام ربعك تاتشوح = بالله قلّي وش تسوي لو يجيك المعتدي
سلطان عايض العايضي
ماقول غير الا نعم ياربعنا ياهل المدوح=وانا على درب النشاما وانت حذراك تحدي
ياوضحها ياعيد ماتحتاج يالشاعر وضوح=لطامة العايل وانا فالحرب ماتقصر يدي
العازمي
حنا هرجنا معك والاسرار لايمكن تبوح = تبا تحصّل ماتمنّا مار منت امخلدي
برقا وروق اموحّده مابين مزحم والطلوح = الصف واحد والشداد امثبتٍ ومجوّدي
« آخـــر الـــمـــشـــاركــــات »
04-Nov-2008, 09:06 PM
...
العرض المتطور
