نايف بن ملحق الثعلي
مرحبا والجذع سلطان مدري علامه=مايرد السلام ومغلقن تيلفونه
ماخبرنا رفيق العز يقصر سلامه=نعرف الصاحب الغدار شكله ولونه
سلطان الجـذع
البقا يارفيقٍ ماتغّير كلامه = حجته وحدّه دايم .. ووحده لحونه
الجذع في فيافي نجد وانت بتهامه = لو تشوفه عيونك ماتشوفك عيونه
نايف بن ملحق الثعلي
احسبنك شجيع ولاتجيك الرخامه=واثرك اللي لسانه ناشب(ن )في سنونه
والله اني لقوم فوق راسك قيامه=كل مجنون ياسلطان اطلع جنونه
سلطان الجـذع
في ضميرك علوم .. وفوق خدك علامه = من يظن أبك علم الخير خابت ظنونه
مامعك ياطويل العمر غير السلامه = انتبه قبل تكثر فوق قلبك غبووونه
نايف بن ملحق الثعلي
يا الجذع مانباها ضحكةً وابتسامه=وانت وعل(ن) ليا جانا كسرنا قرونه
اطيب العز لك ولا حياة الندامه=كيف يا الاجودي ترضى حياة المهونه
سلطان الجـذع
ليه نرجع على الميّت ونجمع عظامه = ميّت أهل المحاني ليتهم يدفنونه
انت ياعارفتنا نوب عندك غشامه = ليت نايف ولد ملحق يسدد ديونه
نايف بن ملحق الثعلي
العرب تعرف الطيب رفيع مقامه= والذهب نصرفه لكن ما انت بزبونه
اخرتها البعير شعيل يسحب خطامه=والحمول الثقيله حولت عن متونه
« آخـــر الـــمـــشـــاركــــات »
22-Oct-2008, 09:35 AM
العرض الشجري