قصيده لشاعر خالد محمد العتيبي (( الســيف))

[دهيماان الدعجاني]

*** الســــيف*** السلام عليكم ورحمة الله وبركاته


يا نا حل العود يا راع العطـب والجليـل
يا عا شق الشا مخات الا انـت راع لهـا
لك منزل فى ضميرى ما يجى بة نزيـل
اقـرا علومـك واسـوق القافيـة علهـا
واقهرك با للة ما جت بك بحور الخليـل
فا لوصف وانتة وصوفـك دقهـا جلهـا
أبيض مخبي عن عيون الـردي والذليـل
تتبعك الأشناب حاشـا مانـت تبـع لهـا
ناعم رهيف خفيف اليـا بغيـت وثقيـل
عمـهـوج تـدلـك العلـيـا وتدلـهـا
في عنقك من الجواهـر فـارد بالمثيـل
ميـر البـلاد دون عنقـك ملهـا ملهـا
ومخامسك عز واللي يعشـق المستحيـل
تطري علـى روحـه الصلفـة وتحتلهـا
خالك من الهند واعمامك تضـد المعيـل
ذباحـة الحيـل والسـادات يـا قلـهـا
واعراب ومعربيـن ومدخليـن الدخيـل
موت الضلالة تضل الناس مـن ضلهـا
لا يا جميـل المهيـا والمسمـى الجميـل
والاالمحيا....العذارى ما انته أحلـى لهـا
في خدك البرق يكسر وان تماشى المخيل
سيـل مـن الـدم واروح البشـر ذلهـا
يا((السيف))يالوادي اللي بالمنايـا تسيـل
وصفتك من الوصوف اللي علـى حلهـا
واليا مدحتك مدحتك من جزيل اليا جزيل
والعيـن مذهـب معانيهـا علـى خلهـا
يابا الشرف وابنعـم المختصـر والذبيـل
وأخو المهالك وبقعـا انتـه بنـاخ لهـا
يا مداوي الروس مدري ياطبيـب الغليـل
يـا فزعـة اللـي يهاوزهـا ولا شلهـا
ضدوه بالكثير وانته ضدهم بـا لصليـل
سلـك والأرواح منهـم سلـهـا سلـهـا
ياما ويامـا ويامـا مـن قتيـل وقتيـل
قدم المغيرة وتـال القـو د واحـم الهـا
بين الوعد والجهد واعلى الحدا والصهيـل
والعطفة اللي يـزل المجـد مـن زلهـا
رفعتك فيها غـرور الكافريـن المهيـل
متفرعـن تستبيـح الـحـرم وتحلـهـا
واليا نصفت الجماهي وان قصرت الطويل
سجـدة مطـوع تلبـي دعوتـه كلـهـا


مع تحياتي اخوكم .. دهيماان الدعجاني

[عبدالرحمن الهيلوم]

صح السان ابو محمد
شكرا يالغالي

[ابو محمد الدعجاني]

خالك من الهند واعمامك تضـد المعيـل
ذباحـة الحيـل والسـادات يـا قلـهـا


صح السان الشاعر والناقل وبيض الله وجه شاعر الرسول عليه الصلاة والسلام وبيض الله وجهك يا عصابت راسي

[السبيــــعي]

صح السانه شاعرنا الكبير

ولاهنت عالنقل يابعدي

[اللامي]

صح لسانك يابو محمد قصيدة جزلة

ومشكور ياراعي الموضوع على النقل الجميل.

[أبو الوليد]

صح لسانه

وتشكر على النقل المتميز والذائقة الشعرية الجميلة

ينقل الى قسم شعراء قبيلة عتيبة

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[محمد العتيبي]

صح لسان الشاعر الرائع : خالد العتيبي ( شاعر الرساله ).

ولاهنت يادهيمان على الرائعه الفذه ..

تحيتي
...

التوقيع

للتواصل عبر twitter تويتر al_bargawy@