ودي اقول لك كلمة حق وافهم يالشطيطي

[عبد العزيز العضيــاني]

بحر جده

ياسلام الله سلام من البحر ولا المحيطي=اتسموى بالاسام الصاطيه والراس صاطي
ودي اقول الك كلمة حق وافهم يالشطيطي=فيه ريع مايسـد وفيـه فتـقٍ مايخاطـي

الشطيطي

مرحبا ترحيب ما بينك وما بينه وسيطي=بالنيابه عن رجالٍ في مواجبهم نشاطي
الذكي يبقا ذكي ولا العبيط امرح عبيطي=لو تسموى يالعضياني ماينفعك الهياطي

بحر جده

البقا والامر كله ياحمر الناظـر بسيطـي=والحروف الليله الليله نحط لها النقاطـي
لا مااهايط غير افرك مثل فري للشريطي=والعضياني على خد الخصم دايس وواطي

الشطيطي

شد حيلك واحتزم مادام لك حيل ونشيطي=لو تطير الطايره موقعك من بين الشناطي
انت اضنك لو تلّد العين عقلك ما يحيطي=انشد الشغار عنا وانشد الشيخ المقاطـي

بحر جده

اعرف مطير العزيزه ماتجوز عن اللقيطي=لو تطير الطايره نحذفك من ضمن القواطي
جتني علوم ٍوانا ادري كلبوها خيط بيطـي=لا تمرجل يالشطيطي بالدوادي والخراطـي