نبذه عن مطير ( حمران النواظر )

[ابو محمد الدعجاني]

اخوي الشطيطي ونعم بك وبربعك لكن اللي اعرفه غن العوارض وابن رشيد ان ابن رشيد كان غازي على المنتفق والسويط وكان كل مامر له عرب في طريقه للعراق اخذهم ومشا وصادف العوارض وقام يرلهم فريس وهم على خشم مشذوبه يرمون وهم فوق النثيله ببنادق ولا احتكوا معهم بالسيوف على فكره لانهم ماوصلوهم من الرمي وكل سربه تعود لابن رشيد ويقولون علانا رمي مات منا فلان وفلان وقام يرسل سربه بعد وصار فيهم ما صار بالاولين قال ابن رشيد حنا مغزانا على المنتقف والسويط مهوب على عشر فريس ومشا وخلاهم ووصل العراق وكسر المنتفق والسويط وعود العوارض فعلهم معروف وفريس مشهودلهم بالشجاعه لكن انهم يكسرون ابن رشيد وجيشه شمر والقصمان وحظر حايل وبعض من القبايل وهم عشر رياجيل هذي والله ماتدخل العقل
هذا اللي اعرفه واللي سمعة عنه والتفاصيل تلقونها عند شمر ومطير وتقبل مروري بود