موال نااااري للشاعرين فيصل الرياحي وعبدالحميد الفهمي - الهيـــــــــــــلا *** منتدى قبيلة عتيبة

ريان الفهمي · 03-Sep-2008, 10:42 PM


	عبدالحميد الفهمي يامرحبا ترحيبة مثنيه في حفل قومآ قوم نارآ حيه والناس تنشد وين راح العيه ماضاع حق ومن وراه مطالب الناس تنشد عنك يا بو بدر ما فيه حاجة تدرق سدها ان ضاق صدرك يا وسيع الصدر الحق فالك شدها مدها فيصل الرياحي حيا الله علومك يا شاعر مكه حطيت لك في الشعر درب وسكه وتحكك جنوبك يمال الحكه ماضاع حق ومن وراه مطالب ودك توجه بر ولا بحر الحاجه اللي تزعجك بدها اقرا الكتاب وفيه علم وخبر وابيات شعراً عاش من ردها عبدالحميد الفهمي حيا الله علومك يا شاعر تربه الشعر من يمك فتحنا دربه لا تخرب الهرجه وتسري شربه ماضاع حق ومن وراه مطالب كل الديار دروب بحراً وبر وأنا ماجيت إلا ونا قدها الله يبارك في منيحه تدر يومِّن عيني يمها لدها فيصل الرياحي ترى تربه ماهي بمثل التهمي وانا على مثلك ما وجه سهمي فكر وتعرف مقصدي يا فهمي ماضاع حق ومن وراه مطالب ترى الليال السود تالي الشهر كُب الغداري لعنبو جدها صوب المنيحه لا تلد النظر ترى وسيمتنا على خدها عبدالحميد الفهمي التهم فيها قبلة أهل المله الدين والتاريخ فيها كله ومحلها صعب تُربه تاصله ماضاع حق ومن وراه مطالب إليا كبير القوم هد الجدر اللي بنى الجدران ما هدها ان كان ودك يا طويل العمر غيرك رجاجيلاً بها ودها فيصل الرياحي الظاهر إنك ما تعرف حدودك وعلى كلامك ما تجيب شهودك عود على الطايف مقر جدودك ماضاع حق ومن وراه مطالب وليا بدى لك في الليالي قمر شوف القمر وأصابعك عدها علمني قلبك فوق ولا حدر وتعرف مزح القوم من جدها عبدالحميد الفهمي يا صاحبي كل الوطن ديره لي وأهل السعوديه ربوعي وأهلي ما انته مرجعنا زمان الجهلي ما ضاع حق ومن وراه مطالب لابد لن طال المدى وأدهر تثبت لك الأيام لا بدها بغيت تقضي لا كن الله ستر فيما تبقى سرعتك هدها فيصل الرياحي ما اقنعتني لوكلمتك معقوله وانا الكلام المشتبه ما قوله وجوله وياتي من بعدها جوله ما ضاع حق ومن وراه مطالب ياربعنا يا فهم ياهل الفخر أنا يدي في البطن ما ردها