>>>>اللــي هـجـوسـه ما تـغـشـه<<<<<...لحملة الوســــــام<<<<<

[معجب العتيبي]

المرشـ ساطي ـدي

ياسلام الله سلام اللي هجوسه ما تغشه=للرجال اللي مراجلهم كذا والا بلاشي
من يهاب اللعب في الميدان قولوا لا يدشه=تبرد عظامه ويبلش فيه لاشتد النقاشي

كبتن عتيبه

مرحبا عداد نوٍ جابه الذاري ينشّه=اخره سيل وبرد والاّ اوله برق ورشاشي!!
عان غار الداب غير الداب من يقدر يخشّه=وأنت ساطي ودّك تنوشه لو أنّه مايناشي!!

المرشـ ساطي ـدي

البقا وانته لفاك الضيف لكن قوم عشه=ضيفه ضيفت ملوك السند لقدوم النجاشي
من نفخ صدره كبر يجيب ربي من يفشه=مير مش الوضع ياكبتن مادام الوضع ماشي

كبتن عتيبه

ضيفنا بالطيّب يمّا نبخّره ولا نرشّه=ثم نذبح له طلي وان ماكفاه نجيب حاشي!!
وتدري أن السيل مايلقى على دربه يقشه=لاتطّب الاوديه والبرق يبرق فالمناشي!!

التوقيع