نايف بن ملحق الثعلي
تعال ياالكبتن ترا حنا قضاة المحكمه=يا الاجودي هات العلوم اللي معك يا الاجودي
كبتن عتيبه خابرينه مطلق الله يرحمه=الفرق واضح ياوسيع العرف لو منت بردي
كبتن عتيبه
يامنادي الكبتن وصلك الكبتن اللّي تزهمه=حنّا ليا جانا الطلب دون الطلب مانحتدي!!
عان النجوم اللي تلألأ في سماك المظلمه=وان ماملا عينك سهيل اكيد يملاها الجدي!!
نايف بن ملحق الثعلي
بعض العرب لاشافني ينشب لسانه في فمه=خابرك شاعر مار مثل الخاتم اللي في يدي
العلم واضح وفهمه ولا عسا ماتفهمه= والنور حين يبين نجم الجدي وسهيل ايغدي
كبتن عتيبه
جاك السحاب اللي بروقه ساريه في مقدمه=لكن دوّرلك ذرى ترى مع الغيث بردي!!
أنا موصّى بالكرم وان جاني الضيف اكرمه=أبوي وصَّاني وانا اوصّي على العز ولدي!!
نايف بن ملحق الثعلي
يا الفارس اللي لاحتمى الميقاف ضيع محزمه=انا سبقتك للامور الكايده وانت بعدي
اللي عطاه الله يارجال محدن يحرمه=وانته موصى با الكرم لاكن حضك مرتدي
كبتن عتيبه
تكتب وتمسح.. والحقيقه راس مالك مرسمه=وأنا على صم الحجار انقش هواي ومقصدي!!
يانايف ابا اعطيك علمٍ تغتنيبه والزمه=بعض المعاني ماتفيدك وانت شاعر مبتدي!!
نايف بن ملحق الثعلي
نمسح على اللي يستحق المسح خذها مكرمه=الله يبارك فا الرجال اللي تضد المعتدي
مابغى وصيه منك مار الظالم الله يظلمه= حنا ثبتنا فا المواقف وانت قفيت تعدي
كبتن عتيبه
بعض الرجال اليا هرج تلقى كلامه همهمه=وبعض الرجال بكلمته كل الخليقه تقتدي!!
واليا لقينا الورد يارجال في غصن سلمه=في وقتها نلقاك شاعر فالبساط ألاحمدي!!
نايف بن ملحق الثعلي
المر لازم تطعمه والسم لازم تطعمه= وان كان حصلت السلامه روح واذبح لك فدي
مابغى شهادة وانت ماتعلم بشي ماعلمه=ماعاد باقي معك حيله قول لي ياسيدي
« آخـــر الـــمـــشـــاركــــات »
24-Aug-2008, 02:35 AM
العرض المتطور
