العازمي
بسمي سلام وبسم روس القوم بيضان الوجيه = اهل الوسام وكل رجّالٍ يروم المرجله
يامعجب الله لايهينك في غيابي ليه,,ليه = خلّيتو اللي بآخر الطابور ياقف بأوّله
معجب العتيبي
يامرحبا بمعلم الشعار ابو قلبٍ نبيه=بسمي واسم كل الاداره طيبين المنزله
اللي يخلي منزله ياصاحبي مانحتريه=واللي سعى للمنزل العالي يجد وينزله
العازمي
ياريّس العقّال ماكرنا تغيّر ,,ويش فيه = ماشوف فيه الا النّياق ام الديوس المبهله
منته محصّل للحرار الشقر يامعجب شبيه = فالماقف الغصّاب محدٍ يحتزم بالمنسله
معجب العتيبي
لا والله الا وضع مايصلح.. ولو انك تبيه=وشلون ناقه فوق ماكر والخطا مانقبله
الحر يترك ماكره ساعات ويعوّد عليه=وان جات حاجة صاحبه ياصاحبي مايهمله
العازمي
حنّا هرجنا بالصحيح وخابرك قلبك نزيه = اطيور شلوى ماتلد العين في كل احجله
اصحابك اللي جبتهم من مزرعة طارق فقيه = أطيبهم اللي مع طشيش الحب تحت المنخله
معجب العتيبي
لاتنتقد لك واحدٍ فعل الخطا مايرتضيه=عزالله اني خابر انك رجل مافيك عجله
واحدهم ليا قال قولٍ يالعتيبي يحتميه=واصغرهم اللي لابداله في مقام يكمله
« آخـــر الـــمـــشـــاركــــات »
21-Aug-2008, 12:26 AM
العرض المتطور
