براك المري
يــا ســلامــي عليـكم مــن شمــال وجنــوب=والحمــول الثقيــله ويــن شيــالهـــــــا
فــي المـواقـف ترانــا عـن بعضــنــا ننــوب=ومــن يريـد المــراجــل لـزم يسعـالهــا
معجب العتيبي
عد ماغرد القمري بوقت الغروب=التراحيب منّا طيّبٍ حالها
بالنيابه عن اهل العرف درع الجنوب=ياهلا بالرجال اللي على فالها
براك المري
والبقــى يا عميــل الخيــر حســب الوجــوب = والمعــانــي اصــيلا" صــرت خيــالهـا
يارســول الجمــاعــه دق طبــل الحـــروب = دلتــك دلتـــك .. مشــروب فنجــالهـــا
معجب العتيبي
صاحبي صاحبي لا لا تضيق الدروب=كل كلمه عواقبها لقوّالها
ماوصلنا ليا حمل القنا والركوب=حملتن هينه لابد تشتالها
براك المري
مــا علينـــا مخــافـــه مــن كــلام الشعـــوب = قالهـــا يا عميـــل الخيـــر مــن قالهــا
شبـت النــار شبــت ... ثــم هــب الهبـــوب = والحمــــول الثقيــلـه ... ويـــن رجــالهـــا
معجب العتيبي
لايهمك صدوق ولايهمك كذوب=لكن احذر هجوم القوم وافعالها
كان شبت عليك الظاهر انك تتوب=وانصحك توب قبل يدن موالها
براك المري
كــل ثلــجا" مــع الايــام لازم يـــــذوب = علـــم القـــوم تمســــي يمكــن اشــوالهــا
مــا نحــب الكــلام اللــي يجيــب الذنـوب = ولاتطيـــح الطيـــور الا علــى اشكــالهـا
معجب العتيبي
مايشابه نجاح الناس شكل الرسوب=علم القوم لا يتيتم اطفالها
خل تفكيرك هنيا ولانت مغصوب=تتعب النفس بالتفكير واهمالها
براك المري
كــل رجــــال من ربعــي تـــراااه محســوب = ولا يشــابــه ضعيـــف النــاس بابطالهـــا
يا بحـــور المعــانـــي شــاربينــش شــروب = العقــول الغبيــه ....... وش على بالهـــــا
معجب العتيبي
الرحا لو تدور يبين ضعف الحبوب=كلمةٍ وافيه والزور ماجالها
ياحروف المعاني تسحرين القلوب=وحالتس اليوم بين الناس يرثالها
« آخـــر الـــمـــشـــاركــــات »
15-Aug-2008, 02:58 PM
العرض المتطور
