اعتابه الهيلاء من السيف للسيف

[نشاط الزلامي]

السلام عليكم

بعد غياب طويل لظروف خاصه اعود لمنتدانا الغالي بهذه القصيده عسى ان تنال اعجابكم

ياكثر مانسمع وياقل ماشيف=وقت الرخاء يوم الدعاوي ستيره
ناس(ن)تحسبن المراجل سواليف=بالشعر كلن قام يشعب بعيره
كم شاعر(ن)يمدح وفالمدح حريف=لكن مدري كيف يرضى ضميره
وانا الذي جتلي هجوسي على الكيف=في مدحكم ياهل الفعول الكبيره
ارقابها في عاليات المشاريف=واسبح بها وسط البحور الغزيره
ياحيف لو ما امدح هل المدح ياحيف=والمدح مايصلح على غير سيره
ربعي هل الطالات واهل المواقيف=واهل الفخر واهل السلوم القديره
اعتابه الهيلاء من السيف للسيف=يشهد لهم تاريخ شبه الجزيره
امجادهم ماجاتهم بالمعاريف=ولا حققوها باليدين القصيره
الا بفعل اشيوخ بالرمح والسيف=في ماضي(ن)شره غلب فوق خيره
امنشفين ارياق الاخصام تنشيف=بالعرف والحكمه وقو البصيره
مثل الجبال الراسيه للعواصيف=ماهزها صفق الهواء امن اي صيره
واسلومهم ماغيروها الملاقيف=تبقى لو ان الوقت غير مسيره
منها الكرم والجود لاجاهم الضيف=والجار يلقا له معزه وجيره
وخويهم مايشتكي الضيم والحيف=يرتاح باله في طويل المسيره
ومنصا لمن ضاقت عليه المحاريف=اللي حموله في زمانه عسيره
اليا زبنهم جاري(ن)له صواديف=اعتيبه اللي في حماها تجيره
ولايلحق اللي ينفقونه تحاسيف=مداتهم تغني اليدين الفقيره
وفقيرهم لو مايحصل مصاريف=ماينتظر فزعه من ايدين غيره
هذي بعض عاداتهم دون تحريف=اوجزت منها والبقيه كثيره
حقايق(ن)ماهي مجرد سواليف=تدريبها كل العرب فالجزيره
ولاني بناسي شي واحد وابا اضيف=شي عظيم ولا جهلنا مصيره
ااكبر فخرواعظم معزه وتشريف=خوال للي سيرته خير سيره
واعداد براق المزون المراديف=صلو على محمد رسوله نذيره

وسلااااااامتكم

[السميــــــري]

ولاني بناسي شي واحد وابا اضيف
شـي عظيـم ولا جهلنـا مصيـره
ااكبر فخرواعظم معـزه وتشريـف
خوال للـي سيرتـه خيـر سيـره


بعد هذه القصيدة العصماء ..
نعذرك عن غيابك ..
يالزلامي ..

صح لسانك مدد بلا عدد .. يامبدعنا ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو نجر النفيعي]

..

الله الله


ااكبر فخرواعظم معـزه وتشريـف
خوال للـي سيرتـه خيـر سيـره

..

ما اقول الا صح لسانك يا نشاط .. تبقى دائماً مبدع ..



أخوك

التوقيع

.....

[أبو فيصل الدلبحي]

نشاط الزلامي صح لسانك

كفيت ووفيت

[عبدالرحمن الهيلوم]

نشاط الزلامي صح لسانك

كفيت ووفيت

[نشاط الزلامي]

المشاركة الأصلية كتبت بواسطة السميــــــري

ولاني بناسي شي واحد وابا اضيف
شـي عظيـم ولا جهلنـا مصيـره
ااكبر فخرواعظم معـزه وتشريـف
خوال للـي سيرتـه خيـر سيـره


بعد هذه القصيدة العصماء ..
نعذرك عن غيابك ..
يالزلامي ..

صح لسانك مدد بلا عدد .. يامبدعنا ..

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,

السميري

بيض الله وجهك يوم اعذرتني

وصح بدنك يا غالي

واشكرك على المرور

[معجب العتيبي]

اذا بتغيب وترجع بمثل هذه الروعه


غيب كل يومين وتعال


يومين بس


بيض اله وجهك وصح لسانك

التوقيع

[نشاط الزلامي]

المشاركة الأصلية كتبت بواسطة أبو نجر النفيعي

..

الله الله


ااكبر فخرواعظم معـزه وتشريـف
خوال للـي سيرتـه خيـر سيـره

..

ما اقول الا صح لسانك يا نشاط .. تبقى دائماً مبدع ..



أخوك

,,,,,,,,,,,,,,,

ابو نجر

صح بدنك والله لايهينك يالغالي

اشكرك على المرور

تحياتيييييييييي

[نشاط الزلامي]

المشاركة الأصلية كتبت بواسطة أبو فيصل الدلبحي

نشاط الزلامي صح لسانك

كفيت ووفيت

,,,,,,,,,,

ابو فيصل

صح بدنك ولاهنت

اشكرك على المرور

[نشاط الزلامي]

المشاركة الأصلية كتبت بواسطة عبدالرحمن الهيلوم

نشاط الزلامي صح لسانك

كفيت ووفيت

,,,,,,,,,,,,,,,,,

الهيلوم

صح بدنك ياغالي ولاهنت

اشكرك على المرور