قوم لو إن الهرج لقمه فـ حنجور ..ودك ..!!

[عايض بن زوير]

كالمعتاد متواضعه أخرى




أضعها


أمامكم




طامعا في أن تنال الرضى


.,,

ياللي تقول إني مع القوم مغرور=مغرور هذي ..!! يا عميلي كبيره
قول مترفع عن هل العمي والعور=وأبصم على ما قلت بأم الذخيره
وما دمت أنا عند المطاليق مخبور =من يمكم ما ضاع كبر الشعيره
بأبقى على ممشاي واطاوع الشور=لن قدمه منطوق راع البصيره
ولا الردي لا شك ماله معي دور=يلقى على ممشاه ردين خشيره
منهي مع العراف مثله ومامور=ورعه ليا من تاه ما يستشيره..!1
وقولي على ما قال لا غيب النور=كل"ن" على ممشاه يشعب بعيره
اللي يريد السور يمشي على السور=واللي يبا المرقاب يعرف مطيره
وأنا أحمد الخلاق في غبة بحور=أسبح .. وأضد الموج وألجم هديره
وليا رقيت الضلع لو أشرح شعور=صدري لقيت الحال صعب (ا)تعبيره
صقر على المرقاب من حوله صقور=والبوم يزعج في طمانه شخيره
يعني كذا شتان يا شلة الزور=بين الطمان وبين روس الشهيره..!!
ويعني كذا شتان يا شلة الجور=بين الغناة وبين نفس فقيره
رجل يموت ولا يقلط على السور=ورجل ورا العربان تسمع صفيره
ويالله أنا طالبك يا ساتر الحور=تضفي على الجهال ثوب الستيره
قوم"ن" توردها ولا قالوا صدور=ما صدر الجمه زبون القصيره
قوم لو ان الهرج لقمه فـ... حنجور=ودك تغص ,, ولا تبيح السريره
أطيبهم اللي في تلويه محشور=حقده يقرب من شهيقه زفيره
حقدٍ لو ان الثوب مزرور مزرور=زفره وتصبح كلبوها نثيره
ولكن عين خير .. والحال مستور=ياللي تعذرب وأنت ساقك كسيره
هذي عوايدنا من عصور وعصور=درب المراجل ما جهلنا مسيره
نضرب تحت سبع الأراضين بجذور=ومن فوقها فوح الأراك وعبيره
وليا لقينا الحب فالدرب منثور=ما نختلف دام الرحى مستديره
وإلنا مع أهل العرف مذهب ودستور=في يسرها ولا نهار العسيره
علم"ن" وكاد ولا على الطيب قصور=كل يروم الصيد ويهد طيره
وختامها لو نحسب لكل عصفور =كان الدخن وسط المخازن مصيره

[عبدالرحمن الهيلوم]

صح السااااااااااااااااااااااااااااااااااانك

[السميــــــري]

قوم لو ان الهرج لقمه ف... حنجور
ودك تغص ,, ولا تبيـح السريـره
أطيبهم اللي فـي تلويـه محشـور
حقده يقـرب مـن شهيقـه زفيـره


عايض زوير ..
ياسلام ياسلام ..
وش أقوول قدام هذه القصيدة المتلبسه بالمعاني ..
صح لسانك ..
يالمقاطي ..


سجل أعجابي ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو نجر النفيعي]

..

الله اكبر الله اكبر ..

جزل جزل جزل يابو زوير ..

ما اقول الا صح فكرك ولسانك ..



أخوك

التوقيع

.....

[عبدالله الجـــذع]

رائعه وجزله ياعائض

صح لسانك ياشاعرنا العملاق

ننتظر جديد مميزك

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[الــوآفــي]

لا جديـــــــــــد يا عايض



قصيده في قمة الجمال والجزاله والروووعه




متابعين

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[عايض بن زوير]

عبدالرحمن



صح بدنك ولا هنت




..

[عايض بن زوير]

هلا والله وغلا يالسميري









صح بدنك








ولا هنت





,

[ابو لولو]

صح لسانك ولاهنت

[محمد النخيش]

الله الله عليك


ياسلام عليك ياعايض مبدع هنا وهناك


صح لسااااانك وصح لسانك وصح لسانك لين ترضى



تحياتي

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@