حنـا عتيبـة مصـدر الطيـب منـا= تعرف جميـع القـوم منهـم عتيبـة
اهـل الفعـول ان كـان قلنـا فعلنـا= حنا سوات المـوت سلطـة وهيبـة
نبطـش بحـد المرهفـات المسـنـا= ونغيـر فـوق المكرمـات الاديـبـة
لادق زير الحرب صفٍ كملنا= عدونـا نسقـيـه مــر الغليـبـه
حنـا عتيبـة وانشد الـقـوم عـنـا= صغيرنا يذكر بفعله وطيبه
ذباحـة الحايـل سـعـوط المجـنـا= اهل السيـوف المرهفـات العطيبـة
كـم شيـخ قومـا بالملاقـا زبـنـا= نحميه لـو كبـرت عليـه المصيبـة
مـا يـوم لابقنـا ولايــوم خـنـا= وخوينـا يلقـا الصـدور الرحيـبـة
والضيـف لـن ميـل فلاحـاد عنـا= يعرف دروب العز من غير ريبة
مال الفخر لـو ينتخـي غـير حنـا= تـاج الفخـر حنـا ولاهـي غريبـة
دون الخـوي نشيـل هـم المعـنـا= ولجل الكـرم نفعـل فعـول عجيبـه
الطيب عادتنا من اجله بذلنا= نجيـب شـي ٍ غيرنـا مـا يجيبـه
ياقشر حظ اللـي طمـع فـي ظعنـا= وياطيب حظ اللـي يصيـح ونجيبـه
عقـال لـكـن لازعلـنـا جهلـنـا= عدونـا يـوم الطراد انعـثـي بــه
نخلي ظهور الخيل كان أقبلنا= والمعتدي ماغير روحه ضريبه
ميدانها نجد العذيه وطنا= نجدٍ لنا ماخلف نجدٍ طليبه
وارض الحجاز بغير شكٍ وظنا= فيها زعيم ٍبالوغى ننتخيبه
نجد ٍخذيناها بسيف امحنّا = واللي غلبناهم رضوا بالغليبه
« آخـــر الـــمـــشـــاركــــات »
العرض المتطور
