انقلي ذي بدل ذي واصرخي كش ملك !

[نواف العصيمي]

مساكم حالي في حالي ..

لي فتره عن التصاميم .. لكن قلنا نجرب الحظ هالمره ..

كلمات كش ملك .. والتصميم

اوعديني تجين ... وحاولي ما تجين
... خلي الشوق يتمناك ما ياصلك

امنحيني حنانك واحرميني الحنين
.... واتركي لي مجال احن واشتاق لك

ابعدي عن عيوني جربي تختفين
.... لا تخلين كثرة طيبتك تقتلك

من يجي بالسهوله ما يسمى ثمين
.... ومن لقيته قبل يجيك ما يقبلك

ما اسهلك لا زعلتي كيف ما تزعلين
.... شفتي اشلون صرت اقول يا مسهلك

قلت لك لا تكوني مخلصه تندمين
.... ها ... لا يجي يوم وتقولين ما قلت لك

وش كسبتي من القلب الحنون الامين
.... وش خذيتي من اللي قال لك ما انبلك

حاولي تذرف عيونك ولو كذبتين
.... جربي تبذرين الكذب في مشتلك

احرقي هالقلوب وجربي تلعبين
.... في يدك قلعتين وخيل والجند لك

يا ذكيه تراها كلها نقلتين
.... انقلي ذي بدل ذي واصرخي كش ملك !





التصميم يفتقد لبعض الإضافات التي تمنعها منتديات الهيلا

أعذب تحيه لقلوبكم الطاهره

التوقيع

[محمد العتيبي]

الله يانواف

قصيده رائعه بل فاخره جدا جدا ..

ماعجبني الا القصيده والتصميم رائع ..

تسلم يداك ..
...

التوقيع

للتواصل عبر twitter تويتر al_bargawy@

[/عبد العزيز الجذع/]

ابدااااااااااااااااع.

مبدع قليلة في حقك يا نواف.

ما شاء الله.

تحياتي.

[وافي الخماش]

سلمت يمناك ولا تحرمنا ..

[المبهم]

بيض الله وجهك على الابداااااع

الله يعطيك العافية

[صالح الدعجاني]

مشكور على تصميم
مبداع
الى امام

[ابن هضلا]

يعطيك العافيه يانواف ..تصميم رائع

ننتظر جديدك القادم

تحياتي

[حمـد المقاطي]

تصميم رائع

يا نواف

يعطيك العافيه

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!

[((أبو راشد))]

الله ... الله
يانواف على روعة أحساس الكلمة وزادها بأبداع التصميم لك الشكر وبالتوفيق للجميع
وننتظر المزيد

[عبدالله بن دبيس العتيبي]

الله يعطيك العافية ياخوي نواف على التصميم الرائع

وفي انتظار تصاميمك الاكثر روعة



وتقبل تحياتي