طاروق تحدي للجميع.....والوعد قااااام

[بدر الكريزي]

ابراهيم الزراقي

ياعتيبه لايروح الذيب من صيد الذيابه= افزعوا يااهل الحميه كلن بحاله وماله
اجمعوا كل السرايا والفصايل للحرابه=والوعد قدام والرجال مايترك مجاله

مرجح الميزان

ما يهاب الذيب يبراهيم دام الناب نابه=ولا يبا منا وصيه حيلته من دون حاله
وان سلم من مكرة الثعلب يبا يحمل كتابه=باليمين .. ولا تطير قوة العجه عقاله

ابراهيم الزراقي

ياحليلك ياحليلك فالقرايه والكتابه=مادريت ان العرب كلن على الجمه حباله
انت وينك يوم كان البرق يبرق في سحابه=والله ان الحمل يارجال معروفه جماله

مرجح الميزان

أحمد الله وأشكره بيت الجهل مقفول بابه=يوم بعض ناس ساكن فالجهل غرفه وصاله..!!
والحكيم اللي يميز فالطريق اللي مشى به=والغشيم اليا نشدته قال أنا عمه.. وخاله,,

ابراهيم الزراقي

ليت بعض الناس ماعود بعد طول غيابه=وش يجيله عقب ضيع مكسبه مع راس ماله
الغشيم الي يصلي في صلاته بالجنابه=عند خلق الله يمينه كنها قيمة شماله

مرجح الميزان

واعذاب اللي يجادله جنوبي واعذابه=ان فهم طول جداله ..وان جهل طول جداله..!!
من يصلي بالجنابه ..ليش ما تغسل ثيابه..؟!=دام وانك يا نسل زراق عالم في حواله

ابراهيم الزراقي ..

الشمالي من وسع صدره كلامك مادرابه=والجنوبي لو يغر الدرب ابا احصل بداله
ويش ابابه بعد ماشانت علومه ويش ابابه=مير فال الله ولا فاله بعد ماجاه فاله

مرجح الميزان

المرجح مايبا من فوقكم يضحك عتابه=كيف يسطى فيك وأنته فاللقا حسبة عياله..؟ !
دوك كلمه عن رياجيل المعرفه بالنيابه=الجمل لا من برك للحمل يبراهيم شاله