قصيدة في الأمير تركي بن محيا رحمه الله

[ذيب النفود]

هذه قصيدة لشاعر النظم والمحاورة

الشاعر/ قاعد بن مثعي الحنتوشي العتيبي

وقد كتب هذه القصيدة في أمير الفوج السادس عشر بحائل

الأمير تركي بن محيا رحمه الله طالباً منه ترقيته عندما كان في الفوج

ويقول في قصيدته:

سلامٍ أحلى من لبن شمخ النيب=لأمير روق وعز كل القبيلة
شيخ الوفا والطيب طيبٍ على طيب=جدك وأبوك أهل الفعول الجميلة
يوم اللقا والخيل تمشي جناديب=والبيرق المرفوع يزبن دخيله
ياما خذو بالكون حرش العراقيب=وكم من خليلٍ فرقوا عن خليله
تعرفهم الأجناب هم والأصاحيب=بفعولهم كلٍ حكى ويحكي له
مثل الخيال إليا أرتكز له مناصيب=لون الخيال إليا نشا من مخيله
وهذا كلامٍ مادرج بالأكاذيب= ويضيع علمٍ مايوضح دليله
أنتم ذرانا يوم وقت اللواهيب=وحنا حزامٍ ماينقّض فتيله
وأنتم هل الحردا كعام الأجانيب=وحنا السيوف الصاطيات الصقيله
وأنتم عذاب القوم ستر الرعابيب=وقتٍ مضى واليوم ويش أنحكي له
اليوم أمان وعادل الحصني الذيب= في ضل حكمٍ ماندور بديله
في ضل حكم أمطوعين الأصاعيب=أهل الشريعة والفخر والفضيله
ويامير أنا ناصيك وإليه مطاليب=وأيضا ترى لي حق وأنته كفيله
إليه ثمان أسنين مع عشر تقريب=جندي ولا لي غير حيلتك حيله
يامير رفعني مثل ذيب وذويب=أهل العلوم القاصره والطويله
واللاش ماينفعك وقت المواجيب=مثل السراب يضيع لوشفت سيله
لو الردي عدّي بروس المراقيب=عند اللزوم يحوص عجل إتحويله
يامير ماتصعب عليك الأصاعيب=فتالهن حلال بأهون وسيله
بالطيب ماض(ن) لك أفعول وتجاريب=ولنا عسى تبقى سنين(ن) طويله
الشــــــــاعـــــــــــــــر=قاعد بن مثعي الحنتوشي العتيبي

[عبدالله الجـــذع]

الله..

صح لسان شاعرنا الرائع
ورحم الله الامير تركي بن محيا

الف شكر لك

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

رحم الله الأمير / تركي بن محيا .. وغفرله ..

صح لسان الشاعر / قاعد بن مثعي الحنتوشي ..

وتسلم يداك ياذيب ..
...

التوقيع

للتواصل عبر twitter تويتر al_bargawy@

[المبهم]

بيض الله وجهك على القصيدة

ورحم الله الامير تركي بن محيا

ومشكور ....

[شغموم عتيبة]

صح لسان الشاعر قاعد الحنتوشي .

والله يرحم الامير تركي بن محيا يستاهل ما قيل فيه

ولا هنت ياذيب

[احمد المقاطي]

صح لسان الشاعر ولا هنت على نقلك القصيدة

[ذيب النفود]

عبدالله الجذع أنت من يدفعني دائماً للإجتهاد لاهنت على مرورك يالذيب

محمد العتيبي صح بدنك وأبشر بما ييسرك من القصائد بس أنشالله يطيعنا الشاعر وأسمعك من جديده.

شغموم عتيبة الله يرحم أبو متعب وهو ماقصر مع الشاعر قاعد بن مثعي الحنتوشي شكراً لمرورك وأبشر بالجديد من القصائد.

احمد المقاطي مرورك شرف ياخالي وأبشر بما يسرك من القصائد.

[ذيب النفود]

المشاركة الأصلية كتبت بواسطة محمد العتيبي

رحم الله الأمير / تركي بن محيا .. وغفرله ..

صح لسان الشاعر / قاعد بن مثعي الحنتوشي ..

وتسلم يداك ياذيب ..
...

محمد العتيبي أشكرك على مرورك ياذيب أعتيبة وأبشر بما يسرك

[روق والسماء فوق]

صح لسان الشاعر قاعد بن مثعي الحنتوشـي العتيبـي

والله يرحم الأمير تركي بن محيا

ولاهنت يالغالي

[ذيب النفود]

المشاركة الأصلية كتبت بواسطة روق والسماء فوق

صح لسان الشاعر قاعد بن مثعي الحنتوشـي العتيبـي

والله يرحم الأمير تركي بن محيا

ولاهنت يالغالي

روق والسما فوق مرورك شرف