مهداة للشيخ/نايف بن فيحان بن ربيعان

[ذيب النفود]

يامرحباترحيب ازكى من الطيـب=لا داربين اهـل القـدر والفضيلـه
حييت يانايـف حصـان الاطاليـب=شيخ على الطالـه يمينـك طويلـه
ياكاسب النوماس زبن المواجيـب=ياوافـي المـده وراع الجميـلـه
ياللي ليا صكـت علينـا المغاليـب=تحلهـا باهـون سبيـل ووسيـلـه
بالعرف والحكمه تحل الاصاعيـب=وان ضاع راي الغير ريـك دليلـه
ياسور ربعك عن سموم اللواهيـب=مثلك ليـا ضاقـت علينـا نجيلـه
ونلقاك ياستـر البنـي الرعابيـب=مواقفـك تبـري الكبـود العليلـه
شيخ يطول ويفتل الراي ويصيـب=مابينـت سـود الليالـي حفيـلـه
شيخة فعل ماهيب شيخة مناصيـب=ورثـة زحـول يقـدرون الثقيلـه
جتهم بفعل المرهفـات المحاديـب=اللـي تفـرق بيـن خـل وخليلـه
يشهدبها العدوان قبـل الاصاحيـب=يـوم القبيـل يعـد طـات قبيلـه
واليوم هم مقدم رجـال المعازيـب=ال السعـود معدلـة كـل ميـلـه
ابوك ابو نايف عطيب المضاريـب=وجدك بعيد الشـوح عـز القبيلـه
يقـول بنـدر يـوم رد الهناديـب=حملـه عتيبـه كلـهـا ماتشيـلـه
وانته حفيد اهل النقـا والتراحيـب=ياذخرنا وقت القسـى والصميلـه
وهبك رب العرش زين الاساليـب=وطيب النوايا والصفات الاصيلـه
وضحكة حجاجن صادقه مابها ريب=وتواضع شيوخ الفعـول الجليلـه
ماتستمـع لمروجيـن الاكـاذيـب=وتلطم خشوم اهل الردى والرذيلـه
وتعدل المايل وتطفـى المشاهيـب=وراع الحيـل فوقـه تهـد النثيلـه
حرن مربـك نايفـات المراقيـب=كل المدايـح فـي جنابـك قليلـه
وختامها ماتبدي الشمـس وتغيـب=حييـت يانايـف زعيـم الفضيلـه
شــــــــعــــــــر=ضـاوي بـن عايـض العصيمـي

صح لسانك يا ضاوي ودائماً مبدع في قصائدك وتذكرني هذه القصيدة بقصيدة الشاعر قاعد بن مثعي الحنتوشي عندما مدح الأمير/ تركي بن محيا رحمه الله أمير الفوج السادس عشر بحائل وقدكتب هذه القصيدة في الأمير تركي طالباً منه ترقيته حينما كان في الفوج. ويقول في القصيدة:

سلامٍ أحلى من لبن شمخ النيب=لأمير روق وعز كل القبيلة
شيخ الوفا والطيب طيبٍ على طيب=جدك وأبوك أهل الفعول الجميلة
يوم اللقا والخيل تمشي جناديب=والبيرق المرفوع يزبن دخيله
ياما خذو بالكون حرش العراقيب=وكم من خليلٍ فرقوا عن خليله
تعرفهم الأجناب هم والأصاحيب=بفعولهم كلٍ حكى ويحكي له
مثل الخيال إليا أرتكز له مناصيب=لون الخيال إليا نشا من مخيله
وهذا كلامٍ مادرج بالأكاذيب= ويضيع علمٍ مايوضح دليله
أنتم ذرانا يوم وقت اللواهيب=وحنا حزامٍ ماينقّض فتيله
وأنتم هل الحردا كعام الأجانيب=وحنا السيوف الصاطيات الصقيله
وأنتم عذاب القوم ستر الرعابيب=وقتٍ مضى واليوم ويش أنحكي له
اليوم أمان وعادل الحصني الذيب= في ضل حكمٍ ماندور بديله
في ضل حكم أمطوعين الأصاعيب=أهل الشريعة والفخر والفضيله
ويامير أنا ناصيك وإليه مطاليب=وأيضا ترى لي حق وأنته كفيله
إليه ثمان أسنين مع عشر تقريب=جندي ولا لي غير حيلتك حيله
يامير رفعني مثل ذيب وذويب=أهل العلوم القاصره والطويله
واللاش ماينفعك وقت المواجيب=مثل السراب يضيع لوشفت سيله
لو الردي عدّي بروس المراقيب=عند اللزوم يحوص عجل إتحويله
يامير ماتصعب عليك الأصاعيب=فتالهن حلال بأهون وسيله
بالطيب ماض(ن) لك أفعول وتجاريب=ولنا عسى تبقى سنين(ن) طويله
الشــــــــاعـــــــــــــــر=قاعد بن مثعي الحنتوشي العتيبي