سلامي سلام الشاعر اللى شعر شعر = بعد مازبط له بيت قالوا شعر شعر
وخلك على الموضه تطول شعر شعر = على الثالثه والنصف ياعقرب الساعه
الا يافارس الديرة بلاك انك من الفرسان = مجهز سيفك وناوي ديار الشيخ واخوانه
انا شفت الجبل شامخ ولاهمة من الوديان = شموخه مانعه ينظر تحت ويشوف عدوانه
شلهــــوب
هلا مرحبا وأثنيه للي حضر حضر=بموقع عتيبه بدو وألا حضر حضر
نبا الجزل.. والهزله عليها حضر حضر=على الثالثه والنصف ياعقرب الساعه
ترانا يالعتيبي كلّنا في منتدى العتبان=ولا فيها غرابه والعتيبي بين عتبانه
يقولون العرب لا ثوّر الدخان فالميدان=تبا تعرف محاصيل الرجل ويقرّ ميزانه
الذيب الثبيتي
يدوم البقا يالذيب واللى بدر بدر = لفعل الرجال اليوم ماهو بدر بدر
ولن جيتنا باول شهرنا بدر بدر = على الثالثه والنصف ياعقرب الساعه
ترانا فمنتدى العتبان يالذيبان يالذيبان = ولافيها غرابه والعتيبي بين فرسانه
انا ماهمني قول العرب واللى حصل قد بان = تجيك الاوله يالفارس المغوار عنوانه
شلهــــوب
يبا ينجح اللي له عزيمه وجد وجد=ومن بحث عن بدر وفعوله وجد وجد
ورثت الفخر وعضيّ منسب وجد وجد=على الثالثه والنصف ياعقرب الساعه
ياذيب الله يعزك مانت لا صايب ولا غلطان=ولا فاد الخبر لن كان ماقدّمت برهانه
أنا كنت أتوقع ذيب قاري خاتم سليمان=وأثر نص العرب لا هندبت ماغير طربانه
الذيب الثبيتي
تراني ثبيتي ان جيت ماجي ظهر ظهر = وفعلي يشرفني عليكم ظهر ظهر
وبدر المسمى مايصلي ظهر ظهر = على الثالثة والنصف ياعقرب الساعة
تسمع فالهروج العوج من ضيفك ومن جيران = وبرهان الخبر ياصاحبي يثبت بعمدانه
انا كنت اتحسب رد وافي جاي من طربان= ولانك الحقيقة جات ضميانه وجيعانه
« آخـــر الـــمـــشـــاركــــات »
15-Jul-2008, 08:28 PM
العرض العادي
