سلطان الجـذع
مرحبا ترحيب من سلطان مخصوص لــسميّه = لو أبو زيد الهلالي ماطلع مثله هلالي
ياولد شلاح هاك الوقت وش شدد طميــه!! = الكذوب يقول لاح لها قطن والدار خالي
سلطان شلاح الغنامي
البقا والملعبه ذا الليل بدعه عالميه = ليلة(ن) جابت سميي ماهي بمثل الليالي
انشدوا عكاش عنها يوم خلّي في دميه = الهواوي دونها يهدر مثل هدر الجمالي
سلطان الجـذع
يوم قال العود عودوا ذمتي منكم بريه = حسب عرفك هي حرامٍ كلمته والا حلالي
خابرٍ جدك عطيه مات ماجاته عطيه = وانت يوم أعطوك فيها ليه عقدت الحبالي
سلطان شلاح الغنامي
كان تبغانا نفتش في ملفات القضيه = مالكم فيها عمام ولالكم فيها خوالي
القضيه كلبوها مزحميه - مزحميه = وانت مالك من وراها لاجنيه ولاريالي
سلطان الجـذع
صح مالي فالقضية لاكثير ولا بليه = انت راعيها وانا في خاطري عنها سؤالي
اربط حزام الامان وهد فالسرعه شويه = وخلها ياصاحبي تحت العمامه والعقالي
سلطان شلاح الغنامي
الخطيه من رجال العرف ياشين الخطيه = الحقيقه مانويت اجرح كريمين السبالي
كان تبغى سرها ياصاحبي صبرك عليه = قدمك السيف الشطير وقدمك العد الزلالي
سلطان الجـذع
كيف كسّرت الشداد وكيف سرحت المطيه = وانت فعلك مايدير إلك الرشا فوق المحالي
سرها انك رحت تجزي راعي الحسنه بسيه = وانت عنده ضمن جنده مستريحٍ فالظلالي
سلطان شلاح الغنامي
فعلنا ضم اليتيم اللي مشرد من ذويه = نوكله سمن ومضير وصار من ظمن الرجالي
كيف تجحدني وانا موكلك من لحمة يديه = روح وانشد من عتيبه جارنا شيخ العوالي
سلطان الجـذع
اليتيم اللي مجيّه فرح العين الشقيه = ورّدك جم العدود وطلعك روس الجبالي
لاتضيعك الروابع بين ذيك وبين ذيه = النقاش بعلمنا الاول ,,مطوّل ,,,لايزالي
سلطان شلاح الغنامي
يارياح الشرق سيري من ربا نجد العذيه= مودعك لهل القليب اللي ورى الحد الشمالي
رجعي سلطان ثم قولي تراه الكم هديه = عايفينه... رجعوه لديره الشقر الغوالي
سلطان الجـذع
يارياح الغرب لاهل ظلم مودعك بتحيه = ولاتصابح غير ,, من جيزان لحدود الطوالي
الرعيه لو تضيع تعود لاصحااب الرعيه = مانبا اللي مانعده مكسب ولا راس مالي
سلطان شلاح الغنامي
ياولد عساف لاترم الهدف قدم الرميه = ترمي الصيده وانا سلطان صياد الغزالي
والله انه ماخلق من شكلنا بين البريه = نادرين وكاسبين المجد من أول وتالي
سلطان الجـذع
خلها حاضر بحاضر بيننا والنار حيه = ولايلام اللي سواتك لو تلقى فج خالي
اثركم جنسٍ مابين الناس مايلقى حليّه = داخل الصدفين ماانتم خارجه !! ياهملالي
سلطان شلاح الغنامي
القويه مالها غير المواقيف القويه = وانشدو شيخ الجحادر عن فعل عمي وخالي
والديار الميته ماهي ببرج الفيصليه = خلها في شعبها مامن بهار ولادلالي
صحة الالسن يامبدعين
« آخـــر الـــمـــشـــاركــــات »
11-Jul-2008, 01:41 AM
العرض المتطور
