وش شدد طميــة !!! ... يابن شلاح

[سلطان شلاح الغنامي]

فعلنا ضم اليتيم اللي مشرد من ذويه = نوكله سمن ومضير وصار من ظمن الرجالي
كيف تجحدني وانا موكلك من لحمة يديه = روح وانشد من عتيبه جارنا شيخ العوالي

[سلطان الجـذع]

الله الله

اليتيم اللي مجيّه فرح العين الشقيه = ورّدك جم العدود وطلعك روس الجبالي
لاتضيعك الروابع بين ذيك وبين ذيه = النقاش بعلمنا الاول ,,مطوّل ,,,لايزالي

[سلطان شلاح الغنامي]

يارياح الشرق سيري من ربا نجد العذيه= مودعك لهل القليب اللي ورى الحد الشمالي
رجعي سلطان ثم قولي تراه الكم هديه = عايفينه... رجعوه لديره الشقر الغوالي

[سلطان الجـذع]

ههههههههههههه

يارياح الغرب لاهل ظلم مودعك بتحيه = ولاتصابح غير ,, من جيزان لحدود الطوالي
الرعيه لو تضيع تعود لاصحااب الرعيه = مانبا اللي مانعده مكسب ولا راس مالي

[السيل-الحافي]

ه

هههههههههههه

متابع

تحياتي

[سلطان الجـذع]

,,,


كل الشكر يالحافي على المتابعه .. شرفنا حضورك


,,,

[سلطان شلاح الغنامي]

ياولد عساف لاترم الهدف قدم الرميه = ترمي الصيده وانا سلطان صياد الغزالي
والله انه ماخلق من شكلنا بين البريه = نادرين وكاسبين المجد من أول وتالي

[سلطان شلاح الغنامي]

,,,


كل الشكر يالحافي على المتابعه .. شرفنا حضورك


,,,

[سلطان الجـذع]

خلها حاضر بحاضر بيننا والنار حيه = ولايلام اللي سواتك لو تلقى فج خالي
اثركم جنسٍ مابين الناس مايلقى حليّه = داخل الصدفين ماانتم خارجه !! ياهملالي

[سلطان الجـذع]

,,,


سلطـــــــــــــان صح لساااااااااااانك مليوووووووووون

والختام من عندك يامجرم



,,,