سلطان الجـذع
مرحبا ترحيب للحضار يصرف بالتساوي = والغلاء لاصحابي الغالين باقي في محله
طلحة الجودي وصلها اللي عرف وصف الخلاوي = والثبيتي كل ماوصفت له علمٍ وصل له
النشمي
الجذع في تالي الايام ياهل العرف راوي=البقا باصحابي اللي حايزين الطيب كله
الفراسه دلة الجودي على قيس الحراوي=وقال فالمروه بيوت ومن معه فكراً يدله
سلطان الجـذع
الخبر يامفسر الاحلام,, حلال الدعاوي =حالمٍ لي حلم وابغى منك تفسيره وحله
شفت بن هندي على المركا مع بخيت العطاوي = يضحكون وينظرون الصوره اللي فالمجله
النشمي
انت في حلمك يالاسطوره يضيعن الهقاوي=صاحي بعز النهار ادور انجوماً مطله
يمكن اللي فالمجله صورة الترفه مضاوي=والجذع لوفسروحلمه مراده ماحصله
سلطان الجـذع
أشهد انك ماوردت . . الا على العد الرهاوي = وان قصر حبلك . تبي ترجع قبل حلقك تبله
الله اكبر لو عندك ياعلي عرف الفراوي = كان مااخطيت الطريق اللي نحسب انك تدله
النشمي
خابرين اللي حداه الفقر ونعرف الغناوي=ون مشانا مامشانا اللي على مذهب ومله
والله انك ماتمشيها على الحرالنداوي= لونعطيك الصحيح اتقول ياسلطان لله
سلطان الجـذع
كيف واد السيل ما من سيل له مده سناوي !! = لو تخّيل فوقه مزون الخيال المستهله
انت فكر ويش يجيب الدلو مقطوع العراوي!! = من غيّاب الجب .. ياللي تفتل الحبل وتحله
النشمي
انت في قلبك مرض وازرى يداويه المداوي=مايعالجه المريض اللي يداوىكل عله
الجذع سلطان ماهو مثل سلطان الجلاوي=ياعتابه مابقى الا سيفنا فوقه نسله
« آخـــر الـــمـــشـــاركــــات »
07-Jul-2008, 12:41 AM
العرض المتطور
