تعال ياحمدان دام اللعب ميدانه فسيح .

[مرزوق حمدان العتيبي]

... مرزوق...

تعال ياحمدان دام اللعب ميدانه فسيح = شاعر تمثل ربعك المطران .. والساري سرا
اللي مشى فوق الطريق الملتوي يمكن يطيح = وان طاح تاتشمت به العربان .. والساري سرا

... حمدان ...

عندك قريّب هات علمك يالضمير المستريح = وانته وانا في منتدى العتبان .. والساري سرى
ما فيه رجلٍ لا احتمى ميقاف ربعه ما يصيح = الوقت يحكمنا بعض الاحيان .. والساري سرى

.. مرزوق ...

اللي فعل معروف ياحمدان كفو ٍ للمديح = واللي جهل مذموم ياحمدان.. والساري سرا
الله لايذكرك بالاحسان يالقلب الجريح = ياللي علينا تفتح البيبان .. والساري سرا

... حمدان .....

هذا كلام الصدق لاكن الصراحه للصريح = شتّان ما بين العرب شتّان .. والساري سرى
الي على درب الهدى يمشي ما هو يم النبيح = عزالله انه فارس الفرسان .. والساري سرى

... مرزوق ...

الخس فالوجه الودر ماهوب فالوجه الفليح = ومحرث النيران فالنيران .. والساري سرا
فتح عيونك وانتبه قبل الدلي فوقك تميح = جيبك من احقوق العرب مليان .. والساري سرا