الطارف..يقرب..جاي..

[ابو بندر]

الاخ الكريم الشاعر
احمد الزايدي
اسعدني الطاروق الجميل على الزير مع ابداعاتك الرائعه
تصبح على خير
وتقبل تحيات اخوك

[احمد الزايدي]

احمد الزايدي

ماشروبنا الكيف من صفر الدلال=والكيف يا نـاس كـل يشربـه
كامل مكمل وبه عـدت خصـال=واللي يعرفـه يدسـم شاربـه

أبو بندر

ياشارب الكيف جيناك وتعال=مطلوبك انحضره يا طالبـه
هاذي عوايدمحاضير الرجال=يا حامس البـن بالله قلبـه

احمد الزايدي

كــريم يارجل باقـي لأتـزال=الـظـيف لن جـاك تعرف واجبه
هذي عوايدك من عم وخال=الطيب والمرجله أنته كاسبه

ابو بندر

يا احمد فقدناك في سود الليال=مثلك وش اللي علينا غيبـه
جـاوبني البله ابـهـاذا السـوال=خساره افــقــد رجـالٍ طيبـه

احمد الزايدي

مــوجـود والله علـيـه الأتكـال=مـاغـبـت والطيب كل يعجبه
مـاينـفـعـك قـل مـال وكثر مال=بـكـره نبـا نتـركـه ونسيبـه

ابو بندر

يااحمد علينا الزمان اليوم مال=راس الرضيع الزمان ايشيبه
ايـهبنا من يمين ومن شمـال=عـواصـفٍ لـلامــال امـخيبـه

احمد الزايدي

نعمل معاصي ماتحملها الجبال=ماندري أن القيامـه قريبـه
أيـغــيـر الله مـن حــال الحـال=القلب كثر المعاصي يخربـه

ابو بندر

استغفر الله من سوء العمـال=والصالح من العمل يا حي به
عــدا على الميئذنه وذن بلال=وكل الشياطين جات مصلبه

[احمد الزايدي]

ابو بندر الغالي


تشرفت هذه الليله بمجاراتك في هذا الطاروق اللذي جمله وزينه وجودك

معي فيه، اسعدك الله واكرمك ، وصح السانك وبيض الله وجهك ،وبأذن

الله تعالى يجمعنا طاروق آخر قريبا .تصبح على خير ، وفي أمان الله تعالى..