معجب العتيبي
سلام تسليمتن فيها سؤال وجواب=للصاحب اللي يلف المنتدى من عصير
عبدالله اللي يصك الباب مافك باب=ياليت عبدالله يراجع هذاك الضمير
عبدالله حبيٌب الزراقي
يامرحبا بالصديق الي يقول الصواب = وانا مسيٌر وكلن في دياره يسير
اثرك مراقب معك دفتر حضور وغياب = تبا تسلط علينا مثل بوش وبلير
معجب العتيبي
دام البقا يالرفيق اللي عليه العتاب=حتى لو انه بوسط القلب ماله خشير
سلطني الله عليكم يازعيم الشباب=وابا ارفع السالفه للمنتدى والمدير
عبدالله حبيٌب الزراقي
ان كان عندك عتب صاحبك وافي حساب = تاخذ حقوقك مدام انته في عيني كبير
اخذت لك سلطة ٍ معنا بدون انتخاب = انته وهتلر تبا تلقون نفس المصير
معجب العتيبي
ياللي تبيع الذهب زوّدت سعر النصاب=لاتحسب انك تبيعه في ضواحي عسير
نمشي على سنة الهادي وحكم الكتاب=ليتك قبل ماتقول السالفه تستشير
عبدالله حبيٌب الزراقي
حنا نبيع الذهب وانته تبيع الشراب = فالسوق رزق الغناوي من جيوب الفقير
لو لاك يامجلس الشوى نشوف الخراب = كلن يبا ياخذ السلطه ويصبح وزير
معجب العتيبي
ياذيب ياللي مشيت الدرب قدمك ذياب=لا لاتضنك وحيد وفالفلا تستدير
خلك على الدرب لا ترجع تقول الصعاب=ان مارقيت الجبل تبقى حبيس الحظير
عبدالله حبيٌب الزراقي
والنعم ياذيب لو مافيك ضرس ٍ وناب = تبا تصيد السباع الي تصيد البعير
ان طٌرت فوق السما وان طحت تحت التراب = منته موصٌل نجوم ٍ فالسما تستنير
« آخـــر الـــمـــشـــاركــــات »
21-Jun-2008, 09:23 PM
العرض الشجري