عمر الفتى كله عنا جهد وكفاح=خبرة زمن يعمل بها في سنينه
بين الرسوب وبين الآمال ونجاح=ماله سوى ثنتين .. ربه .. ودينه
والثالثه .. يبغالها نصح ونصاح=البر والأحسان في والدينه
والرابعه .. حسن الخلق وين ماراح=لأن الكبر فالنفس خصله مهينه
يقوله اللي في قسى الوقت سواح=عاصر زمانه بين شينه وزينه
السر من صكات الأيام ماباح=بأقصى الضماير ماتباح الكنينه
والخامسه .. نقطه على البال وارتاح=جربتها في عسر وقتي ولينه
ياللي تساو أهل الردى بأهل الأمداح=غبينةٍ ياكبرها من غبينه
الطيبين سراج للناس وضاح=في عرفهم تكسب صفاتٍ ثمينه
وأهل الردى بالطيب ماتلبس وشاح=وفعل الردى عاده كبيحه وشينه
تسمع حصاة رزاح وش يعني رزاح=اترك رزاح وماتحوشه يمينه
ماني بظالم مقصده كسب الأرباح=لاوالله ألا الحق ياسامعينه
اللاش مايعتز لو ترفعه طاح=مثله سوات الخيط ياراكزينه
والطيب الطيب كما البرق .. لا .. لاح=ماكنه ألا المسك ياحاملينه
رمز الوفا ماهوب سارق ومزاح=هذا مخاوينه وذا باخصينه
مصارعين الوقت والطيب فواح=وأهل الضغينه موتها بالضغينه
وقاع البحر مايسبحه كل سباح=وأنا سبحت وجبت خمسٍ ثمينه
؛؛
اقتبااس كامل لهذه الشامخه
التي شمخت بشموخ شاعرها
وابدااااااع والابداع لايستغرب من اهله
وخاصه من شاعر بحجم الشاعر الجزل
ناصر الجلااااااه
لله درك وصح لسانك ملايين
وتقبل مروري المتواضع 
« آخـــر الـــمـــشـــاركــــات »
العرض الشجري