الحلقة الرابعة وعند اعلان النتائج وش اللي شفتوه

[وافي الخماش]

يالباسل انت تأول من راسك الرجال ليا تكلم يجيب كلام مثبت يالذيب ..

[الباااسل]

هذا شي وااااضح ماهو تأويل ياوافي

[وافي الخماش]

لا والله يالباسل الواضح حتى بعد ماقال طامي الرياحي سهوم المنايا اشر الامير بيده وانتهت كلمة الرياحي بعدين اخذ ابن ثايب المكرفون والامير طلع ..

الامير لو كان مشكك في نزاهة اللجنة ما حطهم ولا رعى البرنامج وحتى لو أخطوا لن يجامل الامير فلان وفلان ..

[الباااسل]

الامير يشرف البرنامج برعايته فقط


ولاله دخل في جميع آليات البرنامج وحتى الجوائز ماهي منه الجوائز من قناة الساحه وامانه عسير معطين الساحه مسرح المفتاحه مقابل 40% من ارباح البرنامج واللي يقدر منكم يسأل أي شاعر من الشعراء المشتركين في البرنامج راح يقوله نفس الكلام اللي انا قلته


وبعدين لش مازعل من سلطان المنصوري لما قال أهدي فوزي لجماهيري ولقبيلتي عتيبه الهيلا ؟؟؟؟

آخر تعديل الباااسل يوم 04-Jun-2008 في 03:35 AM.

[وافي الخماش]

كل الشكر يالغالي والامير مارعى البرنامج الا انه واثق فيه ..

وكلمة سلطان يالذيب حرفياً/ اهـدي الفوز لجماهيري من جميع القبائل عامة ومن قبيلتي خاصة عتيبة الهيلا ..
اسمعها على ذا الرابط لا هنت ..

http://www.otaibah.net/m/showthread.php?t=71295

اما كلمة الرياحي اهدي الفوز لقبيلتي البقوم (سهوم المنايا)

[دوسي زهراني]

المنصوري اهداء الفوز لجميع جماهيره من عتيبه وباقي القبايل ..

عكس طامي الذي اهداها للبقوم فقط ..

هنا الاختلاف ..

[الباااسل]

طيب هذا الشيء من حقه يهدي فوزه للي يبي ولاحد يهمه فوزه غير قبيلته يعني العتبان يهمهم فوز البقمي لا طبعاً


اللي بيقضي على التعصّب القبلي يمنع التصويت لأن اللي يصوّت ماراح يصوّت إلا لأبن قبيلته


وأتحدّى واحد يخالفني فيها الكلام